ശ്രീനഗര്‍: ജമ്മു കശ്മീരിലെ ബാരാമുള്ളയില്‍ പാകിസ്ഥാന്‍ ഭീകരരുടെ കോടിക്കണക്കിന് രുപയുടെ വസ്തുവകകള്‍ പോലീസ് കണ്ടുകെട്ടി. പാകിസ്ഥാന്‍ ആസ്ഥാനമായുള്ള അഞ്ചു ഭീകരഗ്രൂപ്പുകളുടെ സ്വത്തുവകകളാണ് ബാരാമുള്ള കോടതിയുടെ നിര്‍ദേശപ്രകാരം പോലീസ് കണ്ടുകെട്ടിയത്.
ഭീകരരായ ബഷീര്‍ ആ ഗാനി, മെഹ്‌റാജ് ഉദ് ദിന്‍ ലോണ്‍, ഗുലാം മൊഹദ് യാറ്റൂ, അബ് റഹ്മാന്‍ ഭട്ട്, റഷീദ് ലോണ്‍ എന്നീ ഭീകരരുടെ സ്വത്താണ് കണ്ടുകെട്ടിയത്. കശ്മീരിന്റെ വിവിധ ഭാഗങ്ങളിലാണ് ഇവരുടെ സ്വത്തുക്കള്‍ ഉള്ളത്. ഭീകരര്‍ക്ക് ലഭിക്കുന്ന സാമ്പത്തിക സഹായം ഇല്ലാതാക്കുന്നതിന്റെ ഭാഗമായിട്ടാണ് പാക് ഭീകരരുടെ സ്വത്തുവകകള്‍ കണ്ടുകെട്ടിയതെന്ന് പോലീസ് വക്താവ് അറിയിച്ചു.
പ്രതികരിക്കാൻ ഇവിടെ എഴുതുക: