ന്യൂദല്‍ഹി: ക്രൈസ്തവ സഭാ നേതാക്കള്‍ക്ക് കേരള ഹൗസില്‍ അത്താഴ വിരുന്ന് നല്‍കി കേരള സര്‍ക്കാര്‍ പ്രതിനിധി കെവി തോമസ്. മലങ്കര മെത്രാപ്പോലീത്ത ജോസഫ് മാര്‍ ഗ്രിഗോറിയസ്, ആര്‍ച്ച് ബിഷപ് കുര്യാക്കോസ് ഭരണികുളങ്ങര ഉള്‍പ്പെടെയുള്ളവര്‍ വിരുന്നില്‍ പങ്കെടുത്തെന്നാണ് അറിയുന്നത്.
സിപിഎം പിബി അംഗം എംഎ ബേബിയും വിരുന്നില്‍ പങ്കെടുത്തതായി അറിയുന്നു. വിരുന്നിലേക്ക് മുതിര്‍ന്ന മാധ്യമ പ്രവര്‍ത്തകരെയും ക്ഷണിച്ചിരുന്നു. അതേസമയം, കേരള ഹൗസില്‍ ഉണ്ടെങ്കിലും മുഖ്യമന്ത്രിയെ ചടങ്ങിലേക്ക് വിളിച്ചില്ല.
ലോക്‌സഭാ തെരഞ്ഞെടുപ്പില്‍ കേരളത്തില്‍ വലിയ തിരിച്ചടി സി പി എമ്മിനുണ്ടായതില്‍ ക്രൈസ്തവ വോട്ട് ലഭിക്കാതിരുന്നതും കാരണമായെന്നാണ് പാര്‍ട്ടി വിലയിരുത്തല്‍. ഇതിനിടെയാണ് കേരള ഹൗസിലെ അത്താഴവിരുന്ന്.
പ്രതികരിക്കാൻ ഇവിടെ എഴുതുക: