തിരുവനന്തപുരം : മഴ ശക്തമായതിനാല് സംസ്ഥാനത്ത് ആറ് ജില്ലകളിലെ വിദ്യാഭ്യാസ സ്ഥാപനങ്ങള്ക്ക് വ്യാഴാഴ്ച അവധി പ്രഖ്യാപിച്ചു.പത്തനംതിട്ട, കോട്ടയം, എറണാകുളം, ഇടുക്കി, വയനാട് , ആലപ്പുഴ ജില്ലകളിലെ ജില്ല കളക്ടര്മാരാണ് വിദ്യാഭ്യാസ സ്ഥാപനങ്ങള്ക്ക് അവധി പ്രഖ്യാപിച്ചത്.
അംഗണവാടികള്, പ്രൊഫഷണല് കോളേജ് ഉള്പ്പെടെയുള്ള വിദ്യാഭ്യാസ സ്ഥാപനങ്ങള്ക്കാണ് അവധി നല്കിയത്. വയനാട്ടില് മോഡല് റസിഡന്ഷ്യല് സ്കൂളുകള്ക്ക് അവധി ബാധകമല്ല. ആലപ്പുഴ ജില്ലയിലെ ചേര്ത്തല, കുട്ടനാട് താലൂക്കിലെ പ്രൊഫഷണല് കോളേജ് ഉള്പ്പെടെയുള്ള വിദ്യാലയങ്ങള്ക്കും അവധിയായിരിക്കും.
അതേസമയം മുന്നിശ്ചയിച്ച പരീക്ഷകള്ക്കും സര്വകലാശാല പരീക്ഷകള്ക്കും അവധി ബാധകമല്ല.
മലയോര മേഖലയിലെ രാത്രി യാത്രകള്ക്കും വിവിധ ജില്ലകളില് നിരോധനമുണ്ട്. വിനോദസഞ്ചാര കേന്ദ്രങ്ങളിലും നിയന്ത്രണമുണ്ട്.
