ഫുജൈറ: യുഎഇയിലെ ഫുജൈറയില്‍ വീടിന് തീപിടിച്ച് രണ്ട് കുട്ടികള്‍ മരിച്ചു. എട്ടും ഏഴും വയസുള്ള സ്വദേശി കുട്ടികളാണ് മരിച്ചത്. ഗുരുതരമായി പരിക്കേറ്റ അഞ്ചുവയസുകാരിയെ രക്ഷപ്പെടുത്തി. അല്‍ താവിയിന്‍ മേഖലയിലാണ് തീപിടുത്തം.
ചൊവ്വാഴ്ച പുലര്‍ച്ചെ രണ്ട് മണിയോടെയാണ് തീപിടിത്തം ഉണ്ടായതായി അധികൃതര്‍ക്ക് വിവരം ലഭിച്ചത്. ഉടന്‍ തന്നെ സിവില്‍ ഡിഫന്‍സ് സംഘം വീട്ടിലെത്തി തീയണച്ചു. പരിക്കേറ്റവരെ കൂടുതല്‍ ചികിത്സയ്‌ക്കായി ആശുപത്രിയിലേക്ക് മാറ്റി.
തീപിടിത്തം ഉണ്ടാകാനുള്ള കാരണം അന്വേഷിക്കുകയാണെന്ന് അധികൃതര്‍ അറിയിച്ചു.
വേനല്‍ക്കാലം ആരംഭിച്ച സാഹചര്യത്തില്‍ അധികാരികളുടെ നിര്‍ദേശങ്ങള്‍ പിന്തുടരണമെന്ന് ഫുജൈറ സിവില്‍ ഡിഫെന്‍സ് ഡിപ്പാര്‍ട്ട്‌മെന്റിന്റെ ഡയറക്ടര്‍ ബ്രിഗേഡിയര്‍ അലി ഉബൈദ് അല്‍ തുനൈജി പറഞ്ഞു. എയര്‍ കണ്ടീഷനിംഗ്, റഫ്രിജറേഷന്‍ ഉപകരണങ്ങള്‍ എന്നിവ മൂലമുണ്ടാകുന്ന വൈദ്യുത ലോഡുകളുടെ അപകടസാധ്യത കാരണം ഇലക്ട്രിക്കല്‍ ലൈനുകളുടെ പരിപാലനവും അവയുടെ വിപുലീകരണങ്ങളുടെ സുരക്ഷയും ഉറപ്പാക്കണം.
പ്രതികരിക്കാൻ ഇവിടെ എഴുതുക: