വയനാട്: മാവോയിസ്റ്റ് സാന്നിധ്യമുള്ള മേഖലയില്‍ കുഴിച്ചിട്ട ബോംബുകള്‍ കണ്ടെത്തി. ജലാറ്റിന്‍ സ്റ്റിക് ഉള്‍പ്പെടെയുള്ള സ്‌ഫോടക വസ്തുക്കളും കുഴിച്ചിട്ട നിലയില്‍ കണ്ടെത്തി. തലപ്പുഴ മക്കിമല കൊടക്കാട് തണ്ടര്‍ബോള്‍ട്ട് പട്രോളിംഗ് നടത്തുന്ന സ്ഥലത്താണ് സ്‌ഫോടക ശേഖരം കണ്ടെത്തിയത്.
ബോംബ് സക്വാഡ് സ്ഥലത്തെത്തി എല്ലാം നിര്‍വീര്യമാക്കി. വനത്തിനോട് ചേര്‍ന്ന് വേലി ഉള്ളിടത്താണ് കുഴിച്ചിട്ട സ്‌ഫോടക വസ്തുക്കള്‍ കണ്ടെത്തിയത്.
സ്ഥലത്ത് വേലി പരിശോധിച്ച വനം വാച്ചര്‍മാര്‍ക്ക് സംശയം തോന്നിയതിനെ തുടര്‍ന്ന് പൊലീസിനെ അറിയിക്കുകയായിരുന്നു. ഇടവിട്ട് മാവോയിസ്റ്റ് – തണ്ടര്‍ബോള്‍ട്ട് ഏറ്റുമുട്ടല്‍ നടക്കുന്ന മേഖലയിലാണ് സംഭവം.
പ്രതികരിക്കാൻ ഇവിടെ എഴുതുക: