ന്യൂദല്‍ഹി : സത്യപ്രതിജ്ഞയ്ക്കിടെ ‘ജയ് പലസ്തീന്‍’ മുദ്രാവാക്യം വിളിച്ച എ ഐ എം എം ഐ എം നേതാവ് അസദുദ്ദീന്‍ ഉവൈസിക്കെതിരെ പ്രതിഷേധം. ഉവൈസിക്കെതിരെഭരണപക്ഷത്ത് നിന്ന് വലിയ പ്രതിഷേധമാണുയര്‍ന്നത്.
‘ജയ് ഭീം, ജയ് മീം, ജയ് തെലങ്കാന, ജയ് പലസ്തീന്‍’ എന്ന് പറഞ്ഞായിരുന്നു അസദുദ്ദീന്‍ ഉവൈസി സത്യപ്രതിജ്ഞ അവസാനിപ്പിച്ചത്. ഇതാണ് ഭരണപക്ഷത്തെ എം.പിമാര്‍ക്കിടയില്‍ പ്രതിഷേധമുയര്‍ത്തിയത്.
വിഷയത്തില്‍ ഉവൈസിക്കെതിരെ പരാതിയുമായി കേന്ദ്ര സഹമന്ത്രി ശോഭാ കരന്തലജെ രംഗത്തെത്തി. ജയ് പലസ്തീന്‍ വിളി പാര്‍ലമെന്റിന് അകത്ത് പാടില്ലെന്നും ഇതിനെതിരെ നടപടി വേണമെന്നും ശോഭാ കരന്തലജെ പരാതിയില്‍ പറയുന്നു.
എന്നാല്‍ തന്റെ വാക്കുകള്‍ ഭരണഘടനയുടെ മാനദണ്ഡങ്ങള്‍ ലംഘിക്കപ്പെടുന്നതല്ല എന്നാണ് ഉവൈസിയുടെ വാദം.താന്‍ ജയ് ഭീം, ജയ് മീം, ജയ് തെലങ്കാന, ജയ് പലസ്തീന്‍ എന്നാണ് പറഞ്ഞത്. ഇതെങ്ങനെയാണ് ഭരണഘടനയ്‌ക്ക് എതിരാകുന്നതെന്ന് ഉവൈസി ചോദിക്കുന്നു.
പ്രതികരിക്കാൻ ഇവിടെ എഴുതുക: