സിനിമാ- മിനിസ്ക്രീൻ പ്രേക്ഷകരുടെ പ്രിയപ്പെട്ട താരമാണ് ധർമ്മജൻ ബോൾഗാട്ടി. ടെലിവിഷൻ പരിപാടികളിലൂടെ എത്തി പിന്നീട് സിനിമയിലും തിളങ്ങുന്ന നടനായി മാറുകയായിരുന്നു ധർമ്മജൻ.
ധർമ്മജന്റെ സോഷ്യൽ മീഡിയ പോസ്റ്റാണ് ഇപ്പോൾ ശ്രദ്ധ നേടുന്നത്. എന്റെ ഭാര്യ വീണ്ടും വിവാഹിതയാകുന്നു’ എന്നാണ് കുറിപ്പിലെ ആദ്യവാചകം. ഇതെന്താ സംഭവം? എന്ന് അമ്പരക്കാൻ വരട്ടെ.
‘എന്റെ ഭാര്യ വീണ്ടും വിവാഹിതയാകുന്നു, വരൻ ഞാൻ തന്നെ. മുഹൂർത്തം 9.30 നും 10.30 നും ഇടയിൽ എല്ലാവരുടേയും അനുഗ്രഹം ഉണ്ടാകണം’എന്നാണ് ധർമ്മജൻ കുറിച്ചത്. ഇരുവർക്കും വിവാഹവാർഷിക ആശംസകൾ നേരുകയാണ് സോഷ്യൽ മീഡിയ.
ഭാര്യ അനൂജയ്ക്ക് ഒപ്പമുള്ള ചിത്രവും ധർമ്മജൻ ഷെയർ ചെയ്തിട്ടുണ്ട്. വേദ, വൈഗ എന്നിവരാണ് ധർമ്മജൻ- അനൂജ ദമ്പതികളുടെ മക്കൾ.
മക്കൾക്കുമുന്നിൽ വീണ്ടും വിവാഹിതരാവുകയും ഒരു അടിപൊളി ഫോട്ടോഷൂട്ട് നടത്തുകയും ചെയ്തിരിക്കുകയാണ് ധർമ്മജനും അനൂജയും.
രമേശ് പിഷാരടി-ധർമ്മജൻ കോമ്പോ ആണ് ഇരുവരെയും ടെലിവിഷൻ പ്രേക്ഷകർക്കിടയിൽ സുപരിചിതരാക്കുന്നത്. 2005ൽ ഏഷ്യാനെറ്റ് പ്ലസ്സില് ധര്മ്മജനും പിഷാരടയും ചേർന്ന് അവതരിപ്പിച്ച ബ്ലഫ് മാസ്റ്റേഴ്സ് എന്ന കോമഡി പ്രോഗ്രാം വലിയ രീതിയിൽ ശ്രദ്ധ നേടിയിരുന്നു. ഇരുവരും ഒരുമിച്ച് നിരവധി സ്റ്റേജ് ഷോകളും ചെയ്തിട്ടുണ്ട്.
