പൂനെ : കെട്ടിടത്തില്‍ അപകടകരമായ രീതിയില്‍ തൂങ്ങി കിടന്ന് റീല്‍ ചിത്രീകരിച്ച യുവതിയും സുഹൃത്തും അറസ്റ്റില്‍. മിഹിര്‍ ഗാന്ധി , മിനാക്ഷി സലുങ്കെ എന്നിവരാണ് അറസ്റ്റിലായത്. ഇവര്‍ക്കൊപ്പം ചിത്രീകരണത്തില്‍ പങ്കെടുത്തവര്‍ ഒളിവിലാണ്.
പഴയ ഒരു ക്ഷേത്രത്തിന്റെ ഭാഗമായ കെട്ടിടത്തില്‍ അപകടകരമായി തൂങ്ങിക്കിടന്നായിരുന്നു റീല്‍ ചിത്രീകരണം. സുഹൃത്ത് മിഹിര്‍ ഗാന്ധിയുടെ കയ്യില്‍ മീനാക്ഷി സുലുങ്കെ തൂങ്ങിക്കിടക്കുന്ന വിഡിയോ സാമൂഹ്യമാധ്യമങ്ങളില്‍ വ്യാപകമായി പ്രചരിച്ചിരുന്നു. പത്തുനില കെട്ടിടത്തിന് സമാന ഉയരത്തിലുള്ള ക്ഷേത്രത്തിന് മുകളില്‍ കയറിയായിരുന്നു അഭ്യാസപ്രകടനം.
പൊലീസ് വിളിപ്പിച്ചത് പ്രകാരം മീനാക്ഷിയും മിഹിറും സ്റ്റേഷനില്‍ എത്തി. തുടര്‍ന്ന് അറസ്റ്റ് രേഖപ്പെടുത്തി. ആറുമാസം വരെ തടവു കിട്ടാവുന്ന വകുപ്പുകളാണ് ഇവര്‍ക്കെതിരെ ചുമത്തിയത്.
പ്രതികരിക്കാൻ ഇവിടെ എഴുതുക: