തിരുവനന്തപുരം: പത്താം അന്താരാഷ്ട്ര യോഗാദിനാചരണത്തോടനുബന്ധിച്ച് കേന്ദ്ര വാര്ത്താ വിതരണ പ്രക്ഷേപണ മന്ത്രാലയത്തിന് കീഴിലുള്ള സെന്ട്രല് ബ്യൂറോ ഓഫ് കമ്യൂണിക്കേഷന് ദ്വിദിന പരിപാടികള് സംഘടിപ്പിക്കുന്നു.
യോഗ നമുക്കും സമൂഹത്തിനും എന്ന പ്രമേയത്തിന്റെ അടിസ്ഥാനത്തില് സെന്ട്രല് ബ്യൂറോ ഓഫ് കമ്യൂണിക്കേഷന് സംഘടിപ്പിക്കുന്ന സംയോജിത ബോധവല്ക്കരണ പരിപാടി വ്യാഴാഴ്ച പേരൂര്ക്കട എസ്എപിപിഎംശ്രീ കേന്ദ്രീയ വിദ്യാലയത്തിലും 21ന് തിരുവനന്തപുരം മാര് ഇവാനിയോസ് കോളജിലും നടക്കും.
കൊല്ലം ശ്രീനാരായണ വനിതാ കോളജും കൊല്ലം നാഷനല് ആയുഷ് മിഷനുമായി ചേര്ന്ന് വ്യാഴാഴ്ച വെബിനാറും സംഘടിപ്പിക്കും.
പേരൂര്ക്കട എസ്എപി പിഎം ശ്രീ കേന്ദ്രീയ വിദ്യാലയത്തില് നടക്കുന്ന പരിപാടി പ്രസ് ഇന്ഫര്മേഷന് ബ്യൂറോ, സെന്ട്രല് ഓഫ് കമ്യൂണിക്കേഷന് അഡിഷനല് ഡയറക്ടര് ജനറല് വി.പളനിച്ചാമി ഉദ്ഘാടനം ചെയ്യും. 21ന് തിരുവനന്തപുരം മാര് ഇവാനിയോസ് കോളജില് സംഘടിപ്പിക്കുന്ന പരിപാടിയില് ഹോളിസ്റ്റിക് ഡോക്ടര് ലളിതാ അപ്പുക്കുട്ടന് മുഖ്യാതിഥി ആയിരിക്കും. നാഷനല് ആയുഷ് മിഷനില് നിന്നുള്ള ഡോക്ടര്മാര് ക്ലാസുകള് നയിക്കും. യോഗ പരിശീലന പരിപാടി, മത്സരങ്ങള്, ബോധവത്ക്കരണ ക്ലാസ്, മാജിക് ഷോ എന്നിവയും നടക്കും.
