ചെന്നൈ: അമല പോള് ആണ്കുഞ്ഞിന് ജന്മം നല്കിയയി ദമ്പതികള് സോഷ്യല് മീഡിയ പേജിലൂടെ അറിയിച്ചു. കുഞ്ഞിന് ഇലൈ എന്ന് പേരിട്ടു. ഇത് സംബന്ധിച്ച വീഡിയോയും ഫോട്ടോയും അവര് പുറത്തുവിട്ടിട്ടുണ്ട്.
ആശുപത്രിയില് നിന്ന് കുഞ്ഞിനെ വീട്ടിലേക്ക് കൊണ്ടുവരുന്ന വീഡിയോയാണ് അമലയും ജഗത് ദേശായിയും പങ്കുവെച്ചത്. കുഞ്ഞിന്റെ മുഖം കാണാവുന്ന രീതിയിലല്ല. പക്ഷേ പൊതിഞ്ഞുപിടിച്ചിരിക്കുന്ന കുഞ്ഞിനെ നോക്കി പുഞ്ചിരിക്കുന്ന അമലയെ റീലില് സന്തോഷവതിയായി കാണാം. ”ഇതൊരു ആണ്കുട്ടിയാണ്’ എന്ന് ജഗത് പോസ്റ്റിന് അടിക്കുറിപ്പ് നല്കി.
തമിഴ് സിനിമയിലെ മുന്നിര നായികയാണ് കേരളത്തില് ജനിച്ച അമല പോള്. കഴിഞ്ഞ വര്ഷം തന്റെ ദീര്ഘകാല സുഹൃത്ത് ജഗത് ദേശായിയെ വിവാഹം കഴിച്ച അമല വിവാഹം കഴിഞ്ഞ് 2 മാസത്തിന് ശേഷം ഗര്ഭിണിയാണെന്ന് അറിയിച്ചു. അമല പോളിന്റെ തിടുക്കത്തിലുള്ള വിവാഹത്തിന് കാരണം ഗര്ഭധാരണമാണെന്ന് പിന്നീട് വെളിപ്പെടുത്തി. അക്കാലത്ത് ഭര്ത്താവിനൊപ്പം അമല പോള് ഫോട്ടോ ഷൂട്ടുകളും റീലുകളും പോസ്റ്റ് ചെയ്തുകൊണ്ടാണ് സന്തോഷം പ്രകടിപ്പിച്ചത്. കുഞ്ഞിന്റെ പിറവിയില് ഒട്ടേറെ ആരാധകര് അമല പോളിനെ അഭിനന്ദിച്ചു.
