മുംബയ് : ഇന്ത്യന്‍ പുരുഷ ക്രിക്കറ്റ് ടീം പരിശീലകനായി ഗൗതം ഗംഭീറിന് നറുക്ക് വീഴുമെന്ന് റിപ്പോര്‍ട്ട്. ഗംഭീറിനെ പരിശീലകനായി നിയമിച്ചുള്ള പ്രഖ്യാപനം അടുത്ത ആഴ്ചകളില്‍ ഉണ്ടാവും എന്നാണ് കരുതുന്നത്. ടി20 ലോകകപ്പ് കഴിഞ്ഞാകും പ്രഖ്യാപനം എന്നാണ് സൂചന.
ലോകകപ്പോടെ ദ്രാവിഡിന്റെ കരാറും അവസാനിക്കും.നേരത്തെ പരിശീലകനായി സ്റ്റീഫന്‍ ഫ്‌ലെമിംഗിനെ ബി സി സി ഐ പരിഗണിച്ചിരുന്നു. എന്നാല്‍ ഗംഭീര്‍ ഇന്ത്യയുടെ പരിശീലകനാകാന്‍ താല്പര്യമുണ്ട് എന്ന് പറഞ്ഞതോടെ ബി സി സി ഐ മറ്റു അപേക്ഷകള്‍ പരിഗണിക്കണ്ട എന്ന് തീരുമാനിക്കുകയായിരുന്നു.
അന്താരാഷ്‌ട്ര ക്രിക്കറ്റില്‍ നിന്ന് വിരമിച്ച ശേഷവും ഇന്ത്യന്‍ ക്രിക്കറ്റില്‍ സജീവമാണ് ഗംഭീര്‍. ഇപ്പോള്‍ കൊല്‍ക്കത്ത നൈറ്റ് റൈഡേഴ്‌സിന്റെ ഉപദേഷ്ടവാണ്. ടീമിനെ ഐ പി എല്‍ ചാമ്പ്യന്മാരാക്കുന്നതിലും പങ്കു വഹിച്ചു.
പ്രതികരിക്കാൻ ഇവിടെ എഴുതുക: