കൊച്ചി: ബാലസാഹിതീ പ്രകാശന്റെ നേതൃത്വത്തിൽ ആലുവ കേശവസ്മൃതി ഹാളിൽവച്ച് എസ്.രമേശൻ നായർ അനുസ്മരണം നടത്തി. ബാലസാഹിതീ പ്രകാശൻ സംസ്ഥാന അധ്യക്ഷൻ എൻ.ഹരീന്ദ്രൻ മാസ്റ്റർ അധ്യക്ഷനായ ചടങ്ങ് ബാലഗോകുലം സംസ്ഥാന ഉപാധ്യക്ഷ ആർ.സുധാകുമാരി ഉദ്ഘാടനം ചെയ്തു.
മാധ്യമപ്രവർത്തകനും എഴുത്തുകാരനുമായ മുരളി പാറപ്പുറം അനുസ്മരണ പ്രഭാഷണം നടത്തി. ഗാനരചയിതാവ് ഐ.എസ്.കുണ്ടൂർ , ബാലസംസ്കാര കേന്ദ്രം അധ്യക്ഷൻ പി.കെ. വിജയരാഘവൻ , സാഹിത്യകാരൻ ഇ. കെ.രാജവർമ്മ എന്നിവർ സംസാരിച്ചു. എസ്.രമേശൻ നായരുടെ പത്നി പി. രമടീച്ചറുടെ സാന്നിദ്ധ്യം ശ്രദ്ധേയമായി. സുനിൽ ഉളിയന്നൂർ, നിള നായർ , രാഹുൽ , പ്രവീണ. എസ് എന്നിവർ എസ്.രമേശൻ എഴുതിയ ഗാനങ്ങൾ ആലപിച്ചു. ബാലസാഹിതീ പ്രകാശൻ സംസ്ഥാന സെക്രട്ടറി യു. പ്രഭാകരൻ സ്വാഗതവും, ജോയിന്റ് സെക്രട്ടറി എം.എ.അയ്യപ്പൻ മാസ്റ്റർ കൃതജ്ഞതയും രേഖപ്പെടുത്തി.
പ്രതികരിക്കാൻ ഇവിടെ എഴുതുക: