കോട്ടയത്ത് പൊലീസുകാരനെ കാണാനില്ലെന്ന് പരാതി

കോട്ടയം: പൊലീസുകാരനെ കാണാനില്ലെന്ന് പരാതി. കോട്ടയം വെസ്റ്റ് സ്റ്റേഷനിലെ ഗ്രേഡ് എസ്‌ഐ കെ രാജേഷിനെയാണ് കാണാതായത്. അയര്‍ക്കുന്നം പൊലീസ് കേസെടുത്തു.

അയര്‍കുന്നം നീറിക്കാട് സ്വദേശി രാജേഷ് 14ാം തിയതി രാത്രി നൈറ്റ് ഡ്യൂട്ടിക്ക് ശേഷം വീട്ടിലേക്ക് മടങ്ങിയിരുന്നു.എന്നാല്‍ പിന്നീട് കാണാനില്ലെന്നാണ് കുടുംബത്തിന്റെ പരാതി.

മൊബൈല്‍ ഫോണ്‍ സ്വിച്ച് ഓഫ് ചെയ്ത നിലയിലാണ്. നേരത്തേ അച്ചടക്ക നടപടിയുടെ ഭാഗമായി ഇയാള്‍ക്ക് മെമ്മോ കൊടുത്തിരുന്നതായി പറയുന്നുണ്ട്. ഇതില്‍ മനസംഘര്‍ഷത്തിലായിരുന്നു എന്നും സഹപ്രവര്‍ത്തകര്‍ പറയുന്നു.