കൊച്ചി: അരളി പൂവ് കഴിച്ചെന്ന സംശയത്തെ തുടര്‍ന്ന് രണ്ട് വിദ്യാര്‍ത്ഥികളെ ആശുപത്രിയില്‍ പ്രവേശിപ്പിച്ചു. എറണാകുളം ജില്ലയിലെ കടയിരുപ്പ് സര്‍ക്കാര്‍ ഹൈസ്‌കൂളിലെ രണ്ട് ഒമ്പതാം ക്ലാസ് വിദ്യാര്‍ത്ഥികളെയാണ് കോലഞ്ചേരിയിലെ സ്വകാര്യ ആശുപത്രിയില്‍ നിരീക്ഷണത്തിലാക്കിയത്.
വെളളിയാഴ്ച രാവിലെ ക്‌ളാസില്‍ വച്ച് തലവേദനയും ഛര്‍ദ്ദിയും ഉണ്ടായതോടെ രണ്ട് വിദ്യാര്‍ത്ഥികളെയും കടയിരുപ്പ് സാമൂഹ്യാരോഗ്യ കേന്ദ്രത്തില്‍ എത്തിച്ച് പരിശോധിച്ചിരുന്നു. വീട്ടില്‍ നിന്നുമുളള മാര്‍ഗ മധ്യേ അരളി പൂവ് കഴിച്ചെന്ന് കുട്ടികളാണ് ഡോക്ടര്‍മാരോട് പറഞ്ഞത്.
രക്ത സാമ്പിളുകള്‍ വിദഗ്‌ദ്ധ പരിശോധയ്‌ക്ക് അയച്ചു. 24 മണിക്കൂര്‍ കര്‍ശന നിരീക്ഷണത്തിന് ശേഷം തുടര്‍ ചികിത്സ സംബന്ധിച്ച് തീരുമാനമെടുക്കും.
പ്രതികരിക്കാൻ ഇവിടെ എഴുതുക: