പോര്‍ട്ട്‌ലന്‍ഡ്: അയ്യായിരം മീറ്ററില്‍ അവിനാഷ് സാബ്ലെയുടെ പേരിലുള്ള ദേശീയ റിക്കാര്‍ഡ് മറികടന്ന് ഗുല്‍വീര്‍ സിങ്. അമേരിക്കയില്‍ നടക്കുന്ന പോര്‍ട്ട്‌ലന്‍ഡ് ട്രാക്ക് ഫെസ്റ്റിവലിലാണ് ഭാരത താരത്തിന്റെ നേട്ടം.
13 മിനിറ്റ് 18.92 സെക്കന്‍ഡ് സമയത്തിലാണ് ഗുല്‍വീര്‍ അയ്യായിരം മീറ്റര്‍ ഫിനിഷ് ചെയ്തത്. അവിനാഷിന്റെ 13 മിനിറ്റ് 19.30 സെക്കന്‍ഡ് സമയത്തെ നേട്ടമാണ് ഗുല്‍വീര്‍ മറികടന്നത്. കഴിഞ്ഞ വര്‍ഷം ഫെബ്രുവരിയിലായിരുന്നു അവിനാഷിന്റെ റിക്കാര്‍ഡ് പ്രകടനം.
മത്സരത്തില്‍ അമേരിക്കന്‍ താരം ഡിലന്‍ ജേക്കബ്‌സ് 13 മിനിറ്റ് 18.18 സെക്കന്‍ഡ് സമയത്തില്‍ ഫിനിഷ് ചെയ്ത് മുന്നിലെത്തി.
ഇക്കഴിഞ്ഞ മാര്‍ച്ചില്‍ ഗുല്‍വീര്‍ സിങ് പതിനായിരം മീറ്ററിലെ റിക്കാര്‍ഡ് തകര്‍ത്തിരുന്നു. സുരേന്ദര്‍ സിങ്ങിന്റെ പേരില്‍ 16 വര്‍ഷം മുമ്പ് സ്ഥാപിക്കപ്പെട്ട റിക്കാര്‍ഡാണ് ഗുല്‍വീര്‍ കഴിഞ്ഞ മാര്‍ച്ചില്‍ പഴങ്കഥയാക്കിയത്.
പ്രതികരിക്കാൻ ഇവിടെ എഴുതുക: