വനംവകുപ്പ് ജീവനക്കാരെ കയ്യേറ്റം ചെയ്തു : വൈകിയെങ്കിലും സി പി എം പ്രവർത്തകർക്കെതിരെ കേസെടുത്ത് പൊലീസ്

പത്തനംതിട്ട: വനംവകുപ്പ് ജീവനക്കാരെ കയ്യേറ്റം ചെയ്‌തെന്ന പരാതിയിൽ വൈകിയെങ്കിലും കേസെടുത്ത് പൊലീസ്. ചിറ്റാർ പൊലീസാണ് സിപിഎം പ്രവർത്തകർ ഉൾപ്പെടെയുളളവർക്കെതിരെ കേസെടുത്തത്.

പരാതി നൽകി നാല് ദിവസം കഴിഞ്ഞാണ് സംഭവത്തിൽ പൊലീസ് എഫ്‌ഐആർ രജിസ്റ്റർ ചെയ്തത്. സിപിഎം പ്രവർത്തകർ ഉൾപ്പെടെ 12 പേർക്കെതിരെയാണ് കേസെടുത്തത്.

വനിതാ ജീവനക്കാരിയുടെ കൈപിടിച്ച് തിരിച്ചു, വനം വകുപ്പ് ജീവനക്കാരെ സംഘം ചേർന്ന് കയ്യേറ്റം ചെയ്തുവെന്നും എഫ്‌ഐആറിൽ പറയുന്നു.

കൊച്ചുകോയിക്കൽ സെക്ഷൻ ഫോറസ്റ്റ് ഓഫീസർ സുരേഷ് കുമാറാണ് പരാതി നൽകിയത്. കഴിഞ്ഞ ചൊവ്വാഴ്ച ഉച്ചയ്‌ക്കാണ് കേസിനാധാരമായ സംഭവം. റോഡരികെ മുറിച്ചിട്ട നിലയിൽ കണ്ടെത്തിയ തടികൾ പരിശോധിക്കവേ ആയിരുന്നു സംഭവം.