ചെന്നൈ :പ്രധാന ലക്ഷ്യം 2026ലെ തമിഴ്‌നാട് നിയമസഭാ തെരഞ്ഞെടുപ്പാണെന്ന് ബിജെപി സംസ്ഥാന അധ്യക്ഷന്‍ കെ അണ്ണാമലൈ. 2026ല്‍ ബിജെപി മുന്നണി തമിഴ്‌നാട്ടില്‍ അധികാരത്തിലെത്തും.ഒഡിഷയില്‍ നേടിയ ജയം തമിഴ്‌നാട്ടിലും ബിജെപി ആവര്‍ത്തിക്കും.
തമിഴ്‌നാട്ടില്‍ ബിജെപിയെ ശക്തിപ്പെടുത്തുകയാണ് തന്റെ ദൗത്യമെന്നും അണ്ണാമലൈ പറഞ്ഞു.
തന്റെ പിതാവ് കരുണാനിധി ആയിരുന്നെങ്കില്‍ താനും ജയിച്ചേനെയെന്ന് അണ്ണാമലൈ പറഞ്ഞു.സാധാരണ കര്‍ഷകനായ പിതാവ് സമയമെടുത്ത് കാര്യങ്ങള്‍ ചെയ്യണമെന്നാണ് പഠിപ്പിച്ചതെന്നും അദ്ദേഹം പറഞ്ഞു.ലോക്‌സഭാ തെരഞ്ഞെടുപ്പില്‍ തമിഴ്‌നാട്ടില്‍ ഒരു സീറ്റ് പോലും നേടാനാവാതെയുണ്ടായ തിരിച്ചടി ബിജെപിയുടെ പരാജയമായി കാണുന്നില്ല. ഇപ്പോള്‍ ആത്മവിശ്വാസം വര്‍ദ്ധിച്ചിട്ടുണ്ട്.
തമിഴ്‌നാട് ഭരിച്ച പാര്‍ട്ടികള്‍ക്ക് പോലും തെരഞ്ഞെടുപ്പില്‍ കെട്ടിവച്ച കാശ് നഷ്ടമായ ചരിത്രമുണ്ട്. കൊറോണയ്‌ക്ക് ശേഷം ലോകത്ത് ഒരു പാര്‍ട്ടിയും അധികാരം നിലനിര്‍ത്തിയിട്ടില്ലെന്നും അണ്ണാമലൈ പറഞ്ഞു.
പ്രതികരിക്കാൻ ഇവിടെ എഴുതുക: