പാരിസ്: ലോക ഒന്നാം നമ്പര് പുരുഷ ടെന്നിസ് താരം നോവാക് ദ്യോക്കോവിച് ഫ്രഞ്ച് ഓപ്പണ് ടെന്നിസില് നിന്ന് പിന്മാറി. നിലവിലെ ഫ്രഞ്ച് ഓപ്പണ് ജേതാവാണ് ദ്യോക്കോവ്. കാല്മുട്ടിലെ പരിക്കിനെ തുടര്ന്ന് താരം പിന്മാറാന് നിര്ബന്ധിതനാകുകയായിരുന്നു.
നാലാം റൗണ്ട് മത്സരത്തില് ഏറെ പണിപ്പെട്ടാണ് താരം വിജയിച്ചത്. മത്സരത്തിനിടെ പലതവണ താരം ചികിത്സ തേടിയിരുന്നു. 23-ാം സീഡ് താരമായി ഇറങ്ങിയ അര്ജന്റീനയുടെ ഫ്രാന്സിസ്കോ കെറുന്ഡോളോ ആയിരുന്നു എതിരാളി. കടുത്ത പോരാട്ടത്തിനൊടുവില് ക്വാര്ട്ടറിലേക്ക് മുന്നേറി. ഇന്ന് നടക്കുന്ന ക്വാര്ട്ടര് പോരാട്ടത്തില് കാസ്പര് റൂഡിനെതിരെ മത്സരിക്കാനിരിക്കെയാണ് താരം പിന്മാറാന് തീരുമാനിച്ചത്. വലത് കാല്മുട്ടിലെ വേദനയെ തുടര്ന്ന് എംആര്ഐയെ സ്കാനിങ്ങിന് വിധേയനായപ്പോള് വിശ്രമം വേണമെന്ന് നിര്ബന്ധിക്കപ്പെട്ടു.
താരം പിന്മാറിയാല് കാസ്പര് റൂഡിന് സെമിയേലക്ക് വാക്കോവര് കിട്ടിയേക്കും.
