ശ്രീനഗര്‍ : ജമ്മുകാശ്മീരില്‍ മുന്‍ മുഖ്യമന്ത്രിമാരായ ഒമര്‍ അബ്ദുളളയും മെഹബൂബ മുഫ്തിയും പിന്നില്‍. ഒമര്‍ അബ്ദുളള ബാരാമുളളയിലും മെഹബൂബ മുഫ്തി അനന്ത്‌നാഗ് -രജൗരി മണ്ഡലത്തിലുമാണ് പിന്നില്‍.
തൊട്ടടുത്ത എതിര്‍ സ്ഥാനാര്‍ത്ഥി ഷെയ്ഖ് അബ്ദുള്‍ റഷീദിനേക്കാള്‍ 41,220 വോട്ടിന് പിന്നിലാണ് ഒമര്‍ അബ്ദുളള. വിഘടനവാദി നേതാവില്‍ നിന്ന് മുഖ്യധാരാ രാഷ്‌ട്രീയത്തിലേക്ക് എത്തിയ സജാദ് ഗനി ലോണും മത്സര രംഗത്തുളളതിനാല്‍ ത്രികോണ മത്സരമാണ് ഇവിടെ നടക്കുന്നത്.
പി ഡി പി നേതാവായ മെഹബൂബ മുഫ്തി നാഷണല്‍ കോണ്‍ഫറന്‍സ് നേതാവായ മിയാന്‍ അല്‍ത്താഫ് അഹമ്മദിനോടാണ് ഏറ്റുമുട്ടുന്നത്. ഇവിടെ 88198ല്‍ പരം വോട്ടുകള്‍ക്കാണ് മെഹ ബൂബ പിന്നില്‍.
പ്രതികരിക്കാൻ ഇവിടെ എഴുതുക: