ന്യൂദല്‍ഹി: പോസ്റ്റല്‍ വോട്ടുകള്‍ക്ക് പിന്നാലെ ഇവിഎം വോട്ടുകളും എണ്ണിതുടങ്ങുമ്പോള്‍ കേരളത്തിലെ രണ്ടു മണ്ഡലങ്ങളില്‍ ലീഡ് പിടിച്ച് എന്‍ഡിഎ. ആലപ്പുഴയില്‍ ശോഭ സുരേന്ദ്രന്‍, തൃശ്ശൂരില്‍ സുരേഷ് ഗോപിയുമാണ് ലീഡ് ചെയ്യുന്നത്. സുരേഷ് ഗോപി 3018 വോട്ടിലേക്കാണ് ആധിപത്യം നേടിയത്.
അതേമയം പോസ്റ്റല്‍ വോട്ട് എണ്ണി തീര്‍ന്നപ്പോള്‍ എന്‍ഡിഎ സഖ്യം കേവല ഭൂരിപക്ഷം കടന്നിരുന്നു. നിലവില്‍ രാജ്യത്തെ 496 സീറ്റുകളിലെ ഫലം മാത്രമാണ് പുറത്തു വന്നിരിക്കുന്നത്. ബിജെപിയുടെ മൃഗീയമായ മുന്നേറ്റ ത്തില്‍ പ്രതിപക്ഷ പാര്‍ട്ടികള്‍ അസ്വസ്ഥരാണ് എന്നതാണ് റിപ്പോര്‍ട്ട്.
നിലവില്‍ 300 സീറ്റിലാണ് എന്‍ഡിഎ ലീഡ് ചെയ്യുന്നത്. ഇന്‍ഡി സഖ്യം ആകെ ലീഡില്‍ നില്‍ക്കുന്നത് 177 സീറ്റില്‍ മാത്രമാണ്. മറ്റു പാര്‍ട്ടികളില്‍ 19 പേരാണ് ലീഡില്‍ നില്‍ക്കുന്നത്. നരേന്ദ്ര മോദിയോടുള്ള വിശ്വാസമാണ് വമ്പന്‍ ലീഡിലേക്ക് നയിക്കുന്നതെന്ന് ബിജെപി നേതാക്കള്‍ പ്രതികരിച്ചു. അമേഠിയില്‍ സമൃതി ഇറാനി ഉള്‍പ്പെടെ രാജ്യത്തെ ബിജെപിയുടെ എല്ലാ പ്രമുഖ നേതാക്കളും മുന്നിലാണ് എന്നതും ശ്രദ്ധേയമായ ഒരു കാര്യമാണ്.
പ്രതികരിക്കാൻ ഇവിടെ എഴുതുക: