ഓസ്ലോ: പ്രജ്ഞാനന്ദയെ സ്നേഹിക്കാനും സഹായിക്കാനും സന്നദ്ധത കാട്ടുന്ന രണ്ട് ബിസിനസുകാരാണ് ഹീന്ദ്ര ആന്‍റ് മഹീന്ദ്ര വാഹനക്കമ്പനി ഉടമ ആനന്ദ് മഹീന്ദ്രയും ഗൗതം അദാനിയും. ചെസില്‍ ലോക രണ്ടാം നമ്പര്‍ താരമായ യുഎസിന്റെ ഫാബിയാനോ കരുവാനയെ തോല്‍പിച്ചതോടെ പ്രജ്ഞാനന്ദയെ സമൂഹമാധ്യമങ്ങളില്‍ അഭിനന്ദിച്ചിരിക്കുകയാണ് ഗൗതം അദാനിയും ആനന്ദ് മഹീന്ദ്രയും.
‘പ്രജ്ഞാനന്ദയുടെ ബാഗില്‍ ലോക രണ്ടാം നമ്പര്‍ താരവും എന്ന തലക്കെട്ടോടെയാണ് ഈ വീഡിയോ ആനന്ദ് മഹീന്ദ്ര പങ്കുവെച്ചത്. ചെസില്‍ ലോക രണ്ടാം നമ്പര്‍ താരമായ യുഎസിന്റെ ഫാബിയാനോ കരുവാനയെ തോല്‍പിച്ച ശേഷം നടന്നു പോകുന്ന പ്രജ്ഞാനന്ദയുടെ കയ്യൊപ്പിനായി കാത്ത് നില്‍ക്കുന്നവരുടെ വീഡിയോ ആണ് ആനന്ദ് മഹീന്ദ്ര പങ്കുവെച്ചത്. ഇതുവരെ ഈ പോസ്റ്റ് കണ്ടത് 86000ല്‍ അധികം പേരാണ്.
മത്സരവിജയത്തിന് ശേഷം പോകുന്ന പ്രജ്ഞാനന്ദയുടെ ഓട്ടോഗ്രാഫ് ലഭിക്കാന്‍ വേണ്ടി നോര്‍വ്വെയിലെ കുട്ടികളും മുതിര്‍ന്നവരും ഒരു പോലെ തിക്കിത്തിരക്കുന്നത് വീഡിയോയില്‍ കാണാം.
“അവിശ്വനീയം പ്രജ്ഞാനന്ദ….നോര്‍വ്വെയില്‍ ക്ലാസ്സിക്കല്‍ ചെസില്‍ ലോക ഒന്നാം നമ്പര്‍ താരം മാഗ്നസ് കാള്‍സനെയും രണ്ടാം നമ്പര്‍ താരം ഫാബിയാനോ കരുവാനയെയും തോല്‍പിച്ച പ്രജ്ഞാനന്ദയുടെ പ്രകടനം ആശ്ചര്യപ്പെടുത്തുന്നതാണ്.”- സമൂഹമാധ്യമമായ എക്സില്‍ പങ്കുവെച്ച പോസ്റ്റില്‍ അദാനി കുറിച്ചു.
അദാനി പ്രജ്ഞാനന്ദയുടെ സ്പോണ്‍സര്‍ കൂടിയാണ്. വിമാനയാത്ര, ഹോട്ടല്‍ താമസം, പരിശീലനച്ചെലവ് എന്നീകാര്യങ്ങളില്‍ പ്രജ്ഞാനന്ദയെ അദാനി സഹായിക്കുന്നു. ഈയിടെ ആനന്ദ് മഹീന്ദ്ര പ്രജ്ഞാനന്ദയുടെ കുടുംബത്തിന് എക്സ് യുവി 400 എന്ന ഇലക്ട്രിക് വാഹനം സമ്മാനിച്ചിരുന്നു. എസ് യുവി മോഡലായ ഈ വാഹനത്തിന് 15.5 ലക്ഷമാണ് വില.
ജന്മഭൂമി ഓണ്‍ലൈന്‍
പ്രതികരിക്കാൻ ഇവിടെ എഴുതുക: