മുംബയ് : നടി രവീണ ടണ്ടന്‍ മദ്യലഹരിയില്‍ സ്ത്രീകളെ ആക്രമിച്ചെന്നുളള പരാതിയില്‍ പൊലീസ് കേസെടുത്തു. രവീണ ടണ്ടണും ഡ്രൈവറും സ്ത്രീകളെ അസഭ്യം പറയുകയും കയ്യേറ്റം ചെയ്തെന്നുമാണ് പരാതി.എന്നാല്‍ തര്‍ക്കത്തിനിടെ സ്ത്രീകളാണ് തന്നെ കയ്യേറ്റം ചെയ്തതെന്ന് നടി പറഞ്ഞു.
ശനിയാഴ്ച വൈകുന്നേരം മുംബയിലെ ബാന്ദ്രയിലാണ് സംഭവം. റിസ്വി കോളജിന് സമീപം കാര്‍ട്ടര്‍ റോഡില്‍ നടിയുടെ ഡ്രൈവര്‍ അശ്രദ്ധമായി വാഹനമോടിച്ച് മൂന്ന് പേരെ ഇടിച്ചുവെന്ന് സ്ത്രീകള്‍ പറയുന്നു.ഇത് ചോദ്യം ചെയ്തതോടെ മദ്യപിച്ച നിലയിലായിരുന്ന നടി കാറില്‍ നിന്ന് ഇറങ്ങി ഇരകളെ അപമാനിക്കുകയും ആക്രമിക്കുകയും ചെയ്തുവെന്നാണ് ആരോപണം.
ഇതിന്റെ ദൃശ്യങ്ങള്‍ വൈറലായി. വിഡിയോയില്‍ ഇരകളും നാട്ടുകാരും രവീണയെ വളഞ്ഞ് വയ്ക്കുകയും തുടര്‍ന്ന് പൊലീസിനെ വിളിക്കുന്നതും കാണാം.
വിഡിയോ പകര്‍ത്തരുതെന്ന് രവീണ ജനങ്ങളോട് അഭ്യര്‍ത്ഥിക്കുന്നുണ്ട്. നാട്ടുകാര്‍ ആക്രമിക്കുമ്പോള്‍, ”തല്ലരുത്, തല്ലരുത്,” എന്ന് നടി പറയുന്നതും വീഡിയോയില്‍ കേള്‍ക്കാനാകും.
പ്രതികരിക്കാൻ ഇവിടെ എഴുതുക