ഹൈദരാബാദ്:തെലുങ്കാനയിലും ലോക് സഭാ തെരഞ്ഞെടുപ്പില്‍ ആകെയുള്ള 17 സീറ്റുകളില്‍ ബിജെപി 11 മുതല്‍ 12 സീറ്റുകള്‍ വരെ വിജയിച്ചേക്കുമെന്ന് ഇന്ത്യാ ടുഡേ-ആക്സിസ് മൈ ഇന്ത്യ സര്‍വ്വേ. ഇക്കഴിഞ്ഞ നിയമസഭാ തെരഞ്ഞെടുപ്പില്‍ തോറ്റ കെ.സി. ചന്ദ്രശേഖരറാവുവിന്റെ ഭാരത രാഷ്‌ട്രസമിതി (ബിആര്‍എസ്) ഇക്കുറി നിലം തൊടാന്‍ സാധ്യതയില്ലെന്നും സര്‍വ്വേ പറയുന്നു.
2019ല്‍ ബിജെപിയ്‌ക്ക് നാല് ലോക് സഭാ സീറ്റുകള്‍ മാത്രമാണ് വിജയിക്കാന്‍ കഴിഞ്ഞത്. ബിആര്‍എസ് 9 സീറ്റുകള്‍ വരെ നേടിയിരുന്നു. കെസിആറിന്റെ ഈ മേല്‍ക്കൈയാണ് ഇക്കുറി നഷ്ടപ്പെടാന്‍ പോകുന്നത്.
പരമാവധി കെസിആറിന് ഒരു സീറ്റാണ് ലഭിക്കുക. കോണ്‍ഗ്രസിന് നാല് മുതല്‍ ആറ് സീറ്റുകള്‍ വരെ കിട്ടും. ബിജെപി ഇവിടെ 43 ശതമാനം വോട്ടുകള്‍ നേടുമെന്നും കരുതുന്നു.
അസദുദ്ദീന്‍ ഒവൈസിയുടെ പാര്‍ട്ടിയായ എഐഎംഐഎമ്മിന് പരമാവധി ലഭിക്കുക ഒരു സീറ്റാണെന്നും സര്‍വ്വേ പറയുന്നു. 2019ലും ഒരു സീറ്റിലാണ് എഐഎംഐഎം വിജയിച്ചത്. ഹൈദരാബാദില്‍ അസദുദ്ദീന്‍ ഒവൈസിയായിരുന്നു ആ സീറ്റില്‍ വിജയിച്ചത്.
പ്രതികരിക്കാൻ ഇവിടെ എഴുതുക: