കൊച്ചി : ഇവാന് വുകമാനോവിചിന് പിന്നാലെ സഹ പരിശീലകനായ ഫ്രാങ്ക് ദോവനും കേരള ബ്ലാസ്റ്റേഴ്സിനോട് വിട പറഞ്ഞു. 2025വരെയുള്ള കരാര് ക്ലബില് ഉണ്ടായിരുന്നു എങ്കിലും ഇവാന് ക്ലബ് വിട്ടതിനാല് ഫ്രാങ്ക് ദോവനും ബൈ പറയുകയായിരുന്നു.
പുതിയ പരിശീലകന് സ്റ്റാറേ അദ്ദേഹത്തിന്റെ സ്റ്റാഫുകളുമായാകും ക്ലബിലേക്ക് എത്തുക.
ഇവാന് വിലക്കുണ്ടായിരുന്നപ്പോള് കേരളത്തില് നടന്ന സൂപ്പര് കപ്പിലും ഡ്യൂറണ്ട് കപ്പിലും ഐ എസ് എല്ലിലെ മത്സരങ്ങളിലും കേരള ബ്ലാസ്റ്റേഴ്സിനെ ഫ്രാങ്ക് ദോവന് ആയിരുന്നു പരിശീലിപ്പിച്ചത്.
മുന് ബെല്ജിയന് ദേശീയ ഫുട്ബോള് താരമാണ് ഫ്രാങ്ക് ദോവന് .2022 ഓഗസ്റ്റ് മുതല് കേരള ബ്ലാസ്റ്റേഴ്സ് പരിശീലക സംഘത്തില് ഉണ്ട്.
