തിരുവനനന്തപുരം: കൊച്ചി യൂണിവേഴ്സിറ്റി (കുസാറ്റ്) മെക്കാനിക്കല് വിഭാഗം മേധാവി കെ.കെ. സാജുവിന് കണ്ണൂര് സര്വകലാശാല വൈസ് ചാന്സലറുടെ ചുമതല നല്കി ഗവര്ണര് ആരിഫ് മൊഹമ്മദ് ഖാന്റെ ഉത്തരവ്. കണ്ണൂര് വിസിയുടെ ചുമതല വഹിച്ചിരുന്ന ബിജോയ് നന്ദന് വിരമിച്ചതിലാണ് ഇത്.
ബിജോയ് നന്ദന്റെ കാലാവധി നീട്ടി നല്കുമെന്ന പ്രചാരണമുണ്ടായിരുന്നു.എന്നാല് നീട്ടി നല്കില്ലെന്ന സൂചനയാണ് രാജ്ഭവന് നല്കിയിരുന്നത്. തുടര്ന്നാണ് പുതിയ ആള്ക്ക് ചുമതല നല്കിയത്.
ശ്രീനാരായണ ഓപ്പണ് സര്വകലാശാല വൈസ് ചാന്സലര് ഡോ. ജഗതിരാജിന് മാത്രമാണ് വിരമിച്ചിട്ടും കാലാവധി നീട്ടി നല്കിയിട്ടുളളത്. ഇതേ മാതൃകയില് ബിജോയ് നന്ദനും കാലാവധി നീട്ടി ലഭിക്കുമെന്നായിരുന്നു കരുതിയിരുന്നത്.
