ന്യൂദല്‍ഹി: ഇന്‍ഡി സഖ്യത്തിന്റെ തെരഞ്ഞെടുപ്പ് വിലയിരുത്തല്‍ യോഗം ജൂണ്‍ 1ന് ദല്‍ഹിയില്‍ ചേരും. അഴിമതിക്കേസില്‍ അറസ്റ്റിലായ അരവിന്ദ് കേജ്‌രിവാള്‍ ജാമ്യ കാലാവധി തീര്‍ന്ന് 2ന് ജയിലിലേക്ക് മടങ്ങുന്ന പശ്ചാത്തലത്തിലാണ് ഒന്നിന് യോഗം. എന്നാല്‍ യോഗത്തില്‍ പങ്കെടുക്കാനില്ലെന്ന് തൃണമൂല്‍ കോണ്‍ഗ്രസ് അറിയിച്ചു.
അവസാനഘട്ട വോട്ടെടുപ്പ് ചൂണ്ടിക്കാട്ടിയാണ് തൃണമൂല്‍ വിട്ടുനില്‍ക്കുന്നത്. ഇന്‍ഡി സഖ്യത്തില്‍ ചേരാതെ മത്സരിച്ച തൃണമൂല്‍ 4ന് തെരഞ്ഞെടുപ്പ് ഫലം പുറത്തുവന്നതിന് ശേഷമേ രാഷ്‌ട്രീയ നിലപാട് പ്രഖ്യാപിക്കൂ എന്ന തീരുമാനത്തിലാണ്. തെരഞ്ഞെടുപ്പ് ഫലം പുറത്തുവന്നാല്‍ പറയേണ്ട നിലപാടുകള്‍ ചര്‍ച്ച ചെയ്യാനാണ് ഇന്‍ഡി യോഗം. ചെറുതും വലുതുമായ 28 പാര്‍ട്ടികളാണ് ഇന്‍ഡി മുന്നണിയിലുള്ളത്.
പ്രതികരിക്കാൻ ഇവിടെ എഴുതുക: