കോട്ടയം: ഉത്തരേന്ത്യയേക്കാള്‍ എത്ര മികച്ച ക്രമസമാധാനം എന്ന് മേനി പറയുന്ന കേരളം ഇന്ന് കേട്ടുകേള്‍വിയില്ലാത്തവിധം അക്രമങ്ങള്‍ അരങ്ങേറുന്ന സംസ്ഥാനമായി മാറി. ഞായറാഴ്ച രാത്രി ചങ്ങനാശ്ശേരിയില്‍ മാതാപിതാക്കള്‍ക്കൊപ്പം നടന്നു പോവുകയായിരുന്ന പെണ്‍കുട്ടിയെ ആളുകള്‍ നോക്കിനില്‍ക്കെ ആക്രമിച്ചതാണ് ഇക്കൂട്ടത്തില്‍ ഏറ്റവും പുതിയ സംഭവം. മാത്രമല്ല, ഇക്കാര്യം അറിയിച്ചിട്ടും പോലീസ് എത്താന്‍ അരമണിക്കൂറിലേറെ വൈകി. ഇതിനിടെ നാട്ടുകാര്‍ തടഞ്ഞു വച്ച അക്രമിയെ സഹായികള്‍ മുളക് സ്‌പ്രേ അടിച്ചു രക്ഷപ്പെടുത്തുകയും ചെയ്തു.വിവരമറിഞ്ഞ് എംഎല്‍എയെത്തിയിട്ടും പോലീസ് എത്തിയില്ലെന്നാണ് ആക്‌ഷേപം. നിവൃത്തികെട്ട് എംഎല്‍എക്ക് പോലീസിനെ ശാസിക്കേണ്ടതായും വന്നു.
ഞായറാഴ്ച രാത്രി 9 മണിയോടെയാണ് ചങ്ങനാശ്ശേരി നഗര മധ്യത്തില്‍ പെണ്‍കുട്ടിക്ക് നേരെ ആക്രമണം ഉണ്ടായത്. അച്ഛനും അമ്മയ്‌ക്കും ഒപ്പം നടന്നുപോകുകയായിരുന്ന പെണ്‍കുട്ടിയെ പൊടുന്നനെ ഒരു യുവാവ് ആക്രമിക്കുകയായിരുന്നു. സംഭവം കണ്ട് സമീപത്തുണ്ടായിരുന്നവര്‍ പോലീസ് സ്റ്റേഷനില്‍ അറിയിക്കുകയും യുവാവിനെ തടഞ്ഞുവയ്്ക്കുകയും ചെയ്തു. എന്നാല്‍ പോലീസ് എത്തിയില്ല. ഈ സമയം യുവാവിന്റെ കൂട്ടാളികള്‍ എന്ന സംശയിക്കുന്ന രണ്ടുപേര്‍ ആള്‍ക്കൂട്ടത്തിന് നേരെ മുളക് സ്‌പ്രേ അടിച്ച് അകറ്റി അക്രമിയെ രക്ഷപ്പെടുത്തി. ഇതെല്ലാം കഴിഞ്ഞാണ് പൊലീസ് എത്തിയത്. നാട്ടുകാര്‍ തടഞ്ഞുവച്ച അക്രമിയുടെ സഹായികളായ രണ്ടുപേരെ പോലീസ് ഏറ്റുവാങ്ങി സ്‌റ്റേഷനിലേക്കു കൊണ്ടുപോയി
Sunday, November 17, 2024
ദിനംപ്രതി അക്രമങ്ങള്‍ അരങ്ങേറി കേരളം, ചങ്ങനാശ്ശേരിയില്‍ മാതാപിതാക്കള്‍ക്കൊപ്പം പോയ പെണ്‍കുട്ടിയെ ആക്രമിച്ചു
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: