തൃശൂര്: പെരിങ്ങാവ് എസ്.എന് പെറ്റ്സ് ഷോപ്പില് വന് കവര്ച്ച. മുന്തിയ ഇനത്തില്പെട്ട ആറ് വളര്ത്തു നായകളെയും വിദേശയിനത്തില്പെട്ട അഞ്ച് പൂച്ചകളെയും കളളന് കൊണ്ടു പോയി.
ഒരു ലക്ഷം രൂപ വിലവരുന്ന നായകളെയും പൂച്ചകളെയുമാണ് കവര്ന്നത്.കവര്ച്ചയുടെ സിസിടിവി ദൃശ്യങ്ങള് പുറത്തുവന്നു.
മുഖം മറച്ച് യുവാവ് കടയില് കയറുന്ന ദൃശ്യങ്ങളാണുള്ളത്.കൂട് തുറന്നശേഷം നായ് കുഞ്ഞുങ്ങളെ എടുത്ത് ചെറിയ കൂട്ടിലേക്ക് മാറ്റി.തുടര്ന്ന് പൂച്ചകളെയും പിടിച്ചുകൊണ്ടുപോവുകയായിരുന്നു
സ്ഥാപനം ഉടമയുടെ പരാതി പ്രകാരം പൊലീസ് അന്വേഷണം ആരംഭിച്ചു.കഴിഞ്ഞ ദിവസം പുലര്ച്ചെ രണ്ടരയോടെയാണ് മോഷണം നടന്നത്.
