നെടുമ്പാശ്ശേരി ഹജ്ജ് ക്യാമ്പ്: ഇന്ന് രണ്ട് വിമാനങ്ങൾ പുറപ്പെടും

കൊച്ചി : സംസ്ഥാന ഹജ്ജ് കമ്മിറ്റിയുടെ കീഴിലുള്ള നെടുമ്പാശ്ശേരി എമ്പാർക്കേഷൻ പോയിൻ്റിൽ നിന്ന് തിങ്കളാഴ്ച രണ്ട് വിമാനങ്ങൾ യാത്ര പുറപ്പെടും. ഇതിൽ യാത്ര ചെയ്യുന്ന ഹജ്ജ് തീർത്ഥാടകർ ഞായറാഴ്ച രാവിലെ തന്നെ ക്യാമ്പിലെത്തി.

സൗദി എയർലൈൻസിന്റെ ആദ്യ വിമാനം ഉച്ചക്ക് 12.10നും സൗദി എയർലൈൻസിന്റെ രണ്ടാമത്തെ വിമാനം രാത്രി 8.35നുമാണ് പുറപ്പെടുന്നത്. ആദ്യത്തെ വിമാനത്തിൽ 279 പേരാണ് യാത്ര പുറപ്പെടുന്നത് ഇതിൽ 139 പുരുഷന്മാരും 140സ്ത്രീകളുമാണ് പുറപ്പെടുന്നത്.

രണ്ടാമത്തെ വിമാനത്തിൽ289 പേർ യാത്ര തിരിക്കും ഇതിൽ 155 പുരുഷന്മാരും 134 സ്ത്രീകളുമാണുള്ളത്.