തിരുവനന്തപുരം : മഴ മുന്നറിയിപ്പില് മാറ്റം.സംസ്ഥാനത്തെ ആറ് ജില്ലകളില് മഞ്ഞ ജാഗ്രത പ്രഖ്യാപിച്ചിട്ടുണ്ട്. തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, എറണാകുളം ജില്ലകളിലാണ് മഞ്ഞ ജാഗ്രത പ്രഖ്യാപിച്ചിട്ടുളളത്.
മത്സ്യത്തൊഴിലാളികള്ക്ക് കടലില് പോകുന്നതിന് വിലക്ക് തുടരും.സംസ്ഥാനത്ത് മഴയുടെ തീവ്രത കുറയുമെന്ന് നേരത്തേ കാലാവസ്ഥ വകുപ്പ് അറിയിച്ചിരുന്നു.
മലയോര മേഖലകളില് ജാഗ്രത തുടരണമെന്ന് മുന്നറിയിപ്പുണ്ട്. തെക്കന് കേരളത്തിന് മുകളിലായി നിലനില്ക്കുന്ന ചക്രവാതച്ചുഴിയാണ് മഴ തുടരാന് കാരണം.
അതേസമയം, ബംഗാള് ഉള്ക്കടലില് രൂപപ്പെട്ട റീമല് ചുഴലിക്കാറ്റ് ഇന്ന് കരതൊടും. 110 മുതല് 135 കിലോമീറ്റര് വരെ വേഗത്തില് ചുഴലിക്കാറ്റ് കരയിലെത്തുമെന്നാണ് മുന്നറിയിപ്പ്.
