കൊച്ചി: കാഴ്ചപരിമിതരുടെ 11-ാം എഡിഷന് ഓള് കേരള ക്രക്കറ്റ് ടൂര്ണമെന്റില് സിഎബികെ ഈഗിള്സ് വിജയികള്. മഴ മൂലം മാറ്റിവച്ച മത്സരത്തില് ബൗള് ഔട്ടിലൂടെയാണ് വിജയികളെ തിരഞ്ഞെടുത്തത്. ടൂര്ണമെന്റിന്റെ ആദ്യ ദിനമായ ചൊവ്വാഴ്ച മാത്രമാണ് മത്സരം നടന്നത്. തുടര്ന്നുള്ള ദിവസങ്ങളില് മഴയെത്തുടര്ന്ന് മത്സരങ്ങള് മാറ്റിവയ്ക്കുകയായിരുന്നു.
നാവി ഷിപ്പിങ്ങ് കമ്പനി ചെയര്മാന് അജയ് തമ്പി, വാസന് ഐ കെയര് സെന്റര് ഹെഡ് ഡോ.സുമിത്, ഹോളിഡെ ഇന് എച്ച്ആര് മാനേജര് സുഗന്ധി, വേള്ഡ് ബ്ലൈന്ഡ് ക്രിക്കറ്റ് കൗണ്സില് വൈസ് പ്രസിഡന്റ് രജനീഷ് ഹെന്റി, സിഎബികെ പ്രസിഡന്റ് ജിനീഷ് പി, ജനറല് സെക്രട്ടറി അനില്കുമാര് കെ.ആര് എന്നിവര് സമാപന ചടങ്ങില് പങ്കെടുത്തു.
