തിരുവനന്തപുരം: വിദ്യാഭ്യാസ സര്ട്ടിഫിക്കറ്റുകള്ക്കായി ഹോളോഗ്രാം എംബഡഡ് അഡ്ഹസീവ് ലേബല്, ക്യൂആര് കോഡ് എന്നിവ ആലേഖനം ചെയ്ത അറ്റസ്റ്റേഷന് സംവിധാനം (എച്ച്ആര്ഡി) നോര്ക്ക റൂട്ട്സില് നിലവില് വന്നു.
കൃത്രിമ സീല് ഉപയോഗിച്ചുള്ള അറ്റസ്റ്റേഷനുകളും വ്യാജസര്ട്ടിഫിക്കറ്റുകളും വ്യാപകമായി ശ്രദ്ധയില്പ്പെട്ടതിനെതുടര്ന്നാണ് അറ്റസ്റ്റേഷന് രീതി ആധുനികമാക്കാന് തീരുമാനിച്ചതെന്ന് പദ്ധതിയുടെ സംസ്ഥാനതല ഉദ്ഘാടന ചടങ്ങില് നോര്ക്ക റൂട്ട്സ് റസിഡന്റ് വൈസ് ചെയര്മാന് പി. ശ്രീരാമകൃഷ്ണന് വ്യക്തമാക്കി.
ഭാരതത്തില് ആദ്യമായാണ് സംസ്ഥാന സര്ക്കാര് ഏജന്സി ഇത്തരം സുരക്ഷാ സംവിധാനങ്ങള് ലഭ്യമാക്കുന്നത്. പ്രതിവര്ഷം 60,000 ത്തോളം സര്ട്ടിഫിക്കറ്റുകള് അറ്റസ്റ്റ് ചെയ്യുന്ന രാജ്യത്തെ ഏറ്റവും വലിയ ഏജന്സി എന്ന നിലയില് ആഗോളതലത്തിലെ ഉത്തരവാദിത്വം കൂടിയാണ് ഇതുവഴി നോര്ക്ക റൂട്ട്സ് നിര്വഹിക്കുന്നതെന്നും അദ്ദേഹം പറഞു. നോര്ക്ക റൂട്ട്സ് സിഇഒ അജിത്ത് കോളശ്ശേരി അധ്യക്ഷത വഹിച്ചു
