നിരന്തര കുറ്റവാളിയെ കാപ്പ ചുമത്തി നാടു കടത്തി

ആലുവ : ‘ ഓപ്പറേഷൻ ആഗ് ‘ പ്രകാരം നിരന്തര കുറ്റവാളിയെ കാപ്പ ചുമത്തി നാടു കടത്തി. നോർത്ത് പറവൂർ പുത്തൻവേലിക്കര വാഴപ്പിള്ളി വീട്ടിൽ ലിപ്സൻ (40 )നെയാണ് ആറ് മാസത്തേക്ക് നാടു കടത്തിയത്.

ജില്ലാ പോലീസ് മേധാവി ഡോ. വൈഭവ് സക്സേനയുടെ റിപ്പോർട്ടിന്റെ അടിസ്ഥാനത്തിൽ റേഞ്ച് ഡി ഐ ജി പുട്ട വിമലാദിത്യയാണ് ഉത്തരവിട്ടത്. വധശ്രമം, ഭീഷണിപ്പെടുത്തൽ തുടങ്ങിയ നിരവധി കേസിലെ പ്രതിയാണ്.

ക്രിമനലുകൾക്ക് എതിരായ നടപടിയായ ഓപ്പറേഷൻ ആഗ് റൂറൽ ജില്ലയിൽ പുരോഗമിക്കുകയാണ്. ഇതുവരെ 285 കുറ്റവാളികളെ അറസ്റ്റ് ചെയ്തു.

അഞ്ച് സബ്‌ ഡിവിഷനിലെ 34 പോലീസ് സ്റ്റേഷൻ പരിധികളിലും പരിശോധന തുടരുന്നു. വരും ദിവസങ്ങളിൽ കൂടുതൽ അറസ്റ്റ് ഉണ്ടാകും.