പാറ്റ്‌ന: യുപിഎ ഭരണത്തില്‍ രാജ്യത്ത് നശിച്ചത് മൂന്ന് നാല് തലമുറകളുടെ ജീവിതമാണെന്ന് പ്രധാനമന്ത്രി നരേന്ദ്രമോദി. വായില്‍ വെള്ളിക്കരണ്ടിയുമായി ജനിച്ചവര്‍ക്ക് കഠിനാദ്ധ്വാനമെന്തന്നോ, ജനങ്ങളുടെ യഥാര്‍ത്ഥ പ്രശ്‌നങ്ങളെന്തെന്നോ അറിയില്ലെന്നും മോദി പറഞ്ഞു. കിഴക്കന്‍ ചമ്പാരനില്‍ പൊതു റാലിയില്‍ സംസാരിക്കുകയായിരുന്നു അദേഹം.
ഇന്‍ഡി സഖ്യത്തിന് മോദിയെ അധിക്ഷേപിച്ച് എന്തെങ്കിലും ലാഭമുണ്ടാക്കുകയെന്ന ഒറ്റ അജണ്ട മാത്രമേയുള്ളൂ. മോദിയുടെ ശവക്കുഴി തോണ്ടുമെന്നും മോദിയെ കുഴിച്ചുമൂടുമെന്നും മോദിയുടെ കണ്ണുനീര്‍ കാണാണമെന്നും കോണ്‍ഗ്രസിന്റെ യുവരാജാവ് പറയുന്നത് കേട്ടു.
ജൂണ്‍ നാലിന് ശേഷം മോദിക്ക് ബെഡ് റെസ്റ്റ് ഉണ്ടാകുമെന്ന് രാഹുലിന്റെ പ്രസ്താവനയ്‌ക്ക് കടുത്ത ഭാഷയിലാണ് മോദി മറുപടി നല്‍കിയത്. ഇന്‍ഡി സഖ്യത്തിന്റെ കണ്ണിലെ കരടാണ് താനെങ്കിലും, ജനങ്ങളുടെ ഹൃദയത്തില്‍ തനിക്ക് സ്ഥാനമുണ്ടെന്നും കൂട്ടിച്ചേര്‍ത്തു.
പ്രതികരിക്കാൻ ഇവിടെ എഴുതുക: