വിശദവിവരങ്ങള് www.cap.mgu.ac.in/ugcap2024– ല്
ഓണ്ലൈന് രജിസ്ട്രേഷന് ജൂണ് 7 വൈകിട്ട് 4 മണിവരെ
കോട്ടയം മഹാത്മാഗാന്ധി (എംജി) സര്വ്വകലാശാലാ പഠന വകുപ്പുകളിലെ 4+1 വര്ഷ പ്രോഗ്രാമുകളിലേക്കും സര്വ്വകലാശാലയോട് അഫിലിയേറ്റ് ചെയ്തിട്ടുള്ള ആര്ട്സ് ആന്റ് സയന്സ് കോളേജുകളിലെ വിവിധ ഓണേഴ്സ് ബിരുദ കോഴ്സുകളിലേക്കുമുള്ള ഏകജാലക പ്രവേശനത്തിനുള്ള രജിസ്ട്രേഷന് തുടങ്ങി. ഓണ്ലൈനായി ജൂണ് 7 വൈകിട്ട് 4 മണിവരെ രജിസ്റ്റര് ചെയ്യാം. വിശദവിവരങ്ങളടങ്ങിയ വിജ്ഞാപനം, പ്രോസ്പെക്ടസ് www.cap.mgu.ac.in/ugcap2024 ല് ലഭിക്കും.
ഓണേഴ്സ് ബിരുദ പ്രോഗ്രാമുകള് നടപ്പിലാക്കുന്നതുമായി ബന്ധപ്പെട്ട് വിവിധ കോളേജുകള് പ്രസ്തുത കോളേജുകളിലെ പ്രോഗ്രാമുകള്ക്ക് വിവിധ സ്പെഷ്യലൈസേഷനുകള് ഓഫര് ചെയ്യുന്നുണ്ട്. അപേക്ഷകര് ഓപ്ഷനുകള് നല്കുമ്പോള് സ്പെഷ്യലൈസേഷനുകള്കൂടി സെലക്ട് ചെയ്താല് മാത്രമേ പ്രസ്തുത സ്പെഷ്യലൈസേഷനുകള് ഓഫര് ചെയ്യുന്ന കോളേജ് ഓപ്റ്റ് ചെയ്യുന്നതിന് സാധിക്കുകയുള്ളൂ. ആയതിനാല് ക്യാപ് വെബ്സൈറ്റിലെ പ്രോഗ്രാം ലിസ്റ്റ് പരിശോധിച്ച് ഓപ്ഷനുകള് നല്കേണ്ടതാണ്. ഓപ്ഷന് രജിസ്റ്റര് ചെയ്യുന്നതിനുള്ള നിര്ദ്ദേശങ്ങള് വെബ്സൈറ്റിലുണ്ട്.
