തിരുവനന്തപുരം: നവകേരള ബസ് ഗരുഡ പ്രീമിയം എന്ന പേരില് കോഴിക്കോട്-ബംഗളൂരു സര്വീസ് നടത്തിവരികയാണ്. സര്വീസിന്റെ തുടക്കം തന്നെ വന്കൊട്ടിഘോഷിച്ചതിന്റെ അനന്തരഫലം കെഎസ്ആര്ടിസി അനുഭവിച്ച് വരികയാണ്. കുടുതല് ശ്രദ്ധനേടുന്നത് സര്വീസിനെക്കുറിച്ചുള്ള നെഗറ്റീവുകളാണ്. അതിനെല്ലാം മറുപടിയായി ഫേസ്ബുക്ക് കുറിപ്പുമായി രംഗത്തുവന്നിരിക്കുകയാണ് കെ എസ്ആര്ടിസി.
സര്വ്വീസ് ആരംഭിച്ചതുമുതല് 15.05.204 വരെയുള്ള കാലയളവില് കിലോമീറ്ററിന് ശരാശരി 63.27 രൂപ കളക്ഷന് നേടി ഗരുഡ പ്രീമിയം വിജയകരമായി സര്വീസ് തുടരുകയാണെന്നും കെ എസ്ആര്ടിസി വ്യക്തമാക്കുന്നു.
ഫേസ്ബുക്ക് പോസ്റ്റിന്റെ പൂര്ണ്ണരുപം വായിക്കാം
ഗരുഡ പ്രീമിയം
സര്വീസിനെ യാത്രക്കാര് കയ്യൊഴിഞ്ഞു…
കയ്യൊഴിഞ്ഞോ..?
ചില കോണുകളില് നിന്നും
ഇപ്പോഴും അസത്യപ്രചരണം തുടരുകയാണ്…
ഇത്തരത്തില് ചില മാധ്യമങ്ങളില് നിന്നും പുറത്തുവരുന്ന വാര്ത്ത തീര്ത്തും അടിസ്ഥാനരഹിതവും അവാസ്തവവുമാണ്. 05.05 2024 ന് കോഴിക്കോട് നിന്നും ബാംഗ്ലൂരിലേക്ക് ആരംഭിച്ച ഗരുഡ പ്രീമിയം സര്വീസിന് യാത്രക്കാരുടെ ഭാഗത്തുനിന്നും വലിയ പിന്തുണയും സഹകരണവും ആണ് ലഭിച്ചുകൊണ്ടിരിക്കുന്നത്.
സര്വ്വീസ് ആരംഭിച്ചതുമുതല് 15.05.204 വരെയുള്ള കാലയളവില് കിലോമീറ്ററിന് ശരാശരി 63.27 രൂപ കളക്ഷന് നേടി ഗരുഡ പ്രീമിയം വിജയകരമായി സര്വീസ് തുടരുകയാണ്. പൊതുവെ യാത്രക്കാര് കുറവായ ബുധനാഴ്ച ഒഴികെയുള്ള ദിവസങ്ങളില് പ്രതിദിനം കിലോമീറ്ററിന് 60.77 രൂപ മുതല് 85.26 രൂപ വരെ കളക്ഷന് നേടാനായിട്ടുണ്ട്.
ഇതിനോടകം 450 ല് കൂടുതല് യാത്രക്കാര് ഗരുഡ പ്രീമിയം സര്വീസില് യാത്ര ചെയ്തു കഴിഞ്ഞു. 15.05.2024 വരെയുള്ള കണക്കനുസരിച്ച് പ്രതിദിനം 46000 രൂപയ്ക്ക് മുകളില് വരുമാനം ടി സര്വീസില് നിന്നും ലഭിക്കുന്നുണ്ട്.
സാധാരണഗതിയില് പ്രീമിയം ക്ലാസ് സര്വീസുകള്ക്ക് ലഭിക്കാറുള്ള മികച്ച പിന്തുണ യാത്രക്കാരുടെ ഭാഗത്തുനിന്നും ഗരുഡ പ്രീമിയം സര്വീസിനും ലഭിക്കുന്നുണ്ട്. മറ്റുള്ള രീതിയില് വരുന്ന വാര്ത്തകള് തികച്ചും വാസ്തവവിരുദ്ധമാണ്.
കെ എസ് ആർ ടി സി യുമായി ബന്ധപ്പെട്ട കൂടുതൽ വിവരങ്ങൾക്ക്
കോഴിക്കോട് :0495-2723796/2390350
ബാംഗ്ലൂർ : 0802-6756666
കെഎസ്ആർടിസി, കൺട്രോൾറൂം (24×7)
മൊബൈൽ – 9447071021
ലാൻഡ്ലൈൻ – 0471-2463799
18005994011
എന്ന ടോൾ ഫ്രീ നമ്പരിലേക്കും
സോഷ്യൽ മീഡിയ സെൽ, കെഎസ്ആർടിസി – (24×7)
വാട്സാപ്പ് – +919497722205
ബന്ധപ്പെടാവുന്നതാണ്.
