തിരുവനന്തപുരം: പാലോട് കരുമണ്‍കോട് വനമേഖലയില്‍ വച്ച് ഭാര്യയെ ഭര്‍ത്താവ് ചുറ്റികക്ക് അടിച്ചു പരിക്കേല്‍പ്പിച്ചു. പാലോട് സ്വദേശിനി ഷൈനിയാണ് ആക്രമിക്കപ്പെട്ടത്.
ഷൈനിയുടെ തലയ്‌ക്കും കാലിനും പരിക്കേറ്റു. സംഭവത്തെ തുടര്‍ന്ന് ഷൈനിയുടെ ഭര്‍ത്താവ് സോജിയെ പാങ്ങോട് പൊലീസ് കസ്റ്റഡിയില്‍ എടുത്തു.
ഷൈനിയെ ഫോണില്‍ വിളിച്ചു വരുത്തി മര്‍ദ്ദിക്കുകയായിരുന്നു. ഇരുവരും തമ്മില്‍ ഏറെ നാളായി പ്രശ്‌നങ്ങള്‍ ഉണ്ടായിരുന്നുവെന്നാണ് പൊലീസ് ഭാഷ്യം.
ഷൈനിയുടെ രണ്ട് കാല്‍ മുട്ടുകളും ചുറ്റികക്ക് അടിച്ചു പരിക്കേല്‍പ്പിച്ചു. സാരമായി പരിക്കേറ്റ ഷൈനിയെ മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചു.
പ്രതികരിക്കാൻ ഇവിടെ എഴുതുക: