തൃശൂര്‍: ഇക്കഴിഞ്ഞ തൃശൂര്‍ പൂരത്തിനിടെ വിദേശ വനിതാ വ്‌ലോഗറെ അപമാനിച്ച പ്രതി പിടിയിലായി. പാലക്കാട് ആലത്തൂര്‍ സ്വദേശി മധുവാണ് പിടിയിലായത്.
തൃശൂര്‍ ഈസ്റ്റ് പൊലീസ് ആണ് ഇയാളെ പിടികൂടിയത്. തൃശൂര്‍ പൂരത്തില്‍ പങ്കെടുത്ത വിദേശ വനിത ഇന്‍സ്റ്റാഗ്രാം വീഡിയോയിലാണ് തനിക്കുണ്ടായ മോശം അനുഭവത്തെക്കുറിച്ച് വെളിപ്പെടുത്തിയത്.
ഒരാള്‍ കടന്നു പിടിച്ചു എന്നായിരുന്നു ഇവര്‍ ആരോപിച്ചത്. വ്‌ളോഗറായ വിദേശ വനിത തൃശൂര്‍ പൂരം സംബന്ധിച്ച പ്രതികരണം ആളുകളില്‍ നിന്നും തേടുന്നതിനിടെയാണ് സംഭവം ഉണ്ടായത്. ഇന്ത്യയിലെ ഏറ്റവും സുരക്ഷിത ഇടമാണ് കേരളമെന്ന തരത്തില്‍ നേരത്തെ വീഡിയോ ഉള്‍പ്പെടെ ഇട്ടിരുന്ന വ്‌ളോഗറാണിത്.
പ്രതികരിക്കാൻ ഇവിടെ എഴുതുക: