കോഴിക്കോട്: ‘പുഴു’ എന്ന സിനിമ മലയാളത്തിലെ ഒടിടി സിനിമകളില്‍ പ്രമുഖമായിരുന്നു. മമ്മൂട്ടി നായകനായി അഭിനയിച്ച സിനിമ വിഷയംകൊണ്ടും അവതരണം കൊണ്ടും ശ്രദ്ധേയമായി. റത്തീന ഷര്‍ഷാദ് എന്ന നവാഗത സംവിധായകയായിരുന്നു ഒരുക്കിയത്. റത്തീനയുടെ സിനിമയില്‍ അഭിനയിക്കാന്‍ മമ്മൂട്ടി വര്‍ഷങ്ങള്‍ മുമ്പേ വാക്കുകൊടുത്തതാണ്.
എന്നാല്‍ റത്തീന സംവിധാനം ചെയ്യാന്‍ ഉറപ്പിച്ച സിനിമാ മാറ്റിവെച്ച് മമ്മൂട്ടി ‘പുഴു’ ചെയ്യുകയായിരുന്നുവെന്നാണ് റത്തീനയുടെ ഭര്‍ത്താവ് മുഹമ്മദ് ഷര്‍ഷാദ് പറയുന്നത്: റത്തീനയുടെ സിനിമ കഥയൊക്കെ കേട്ട് അംഗീകരിച്ചതാണ്. എന്നാല്‍ സമയമായപ്പോള്‍ മറ്റൊരു സിനിമ ചെയ്യണമെന്ന് നിര്‍ദേശിക്കുകയായിരുന്നു. അതാണ് ‘പുഴു’. അതിന്റെ കഥ, ഹിന്ദുക്കളിലെ സവര്‍ണ- അവര്‍ണ പ്രശ്നം അവതരിപ്പിക്കുന്നതാണ്. ഈ സിനിമ ചെയ്യാന്‍ നിശ്ചയിച്ചത് മമ്മൂട്ടിയാണ്. മമ്മൂട്ടിയുടെ ‘ഉണ്ട’ എന്ന സിനിമ സംവിധാനം ചെയ്ത അര്‍ഷാദ്, വൈറസ് സിനിമയുടെ തിരക്കഥ തയാറാക്കിയ ഷറഫ്, സുഹാസ് തുടങ്ങിയവരാണ് ഒരുക്കിയത്. സംവിധാനമായിരുന്നു റത്തീന. ഇങ്ങനെയൊരു സിനിമ, ഒരു പക്ഷത്തെ വിമര്‍ശിക്കുന്നത് ആദ്യ സിനിമയായി ചെയ്യുന്നതിനോട് എനിക്ക് എതിര്‍പ്പുണ്ടായി. ഞാന്‍ അത് പറഞ്ഞു. പക്ഷേ മമ്മൂട്ടിയുടെ നിലപാടിനൊപ്പം റത്തീന നിന്നു, എന്നിങ്ങനെയാണ് ഷര്‍ഷാദ് വിശദീകരിക്കുന്നത്.
പുഴുവിന്റെ കഥ കേട്ട് റത്തീനയുടെ ആദ്യ സിനിമ നിര്‍മിക്കാന്‍ തയാറായവര്‍ പിന്‍മാറി. പിന്നീട് മമ്മൂട്ടിയുടെ സെക്രട്ടറി ജോര്‍ജാണ് നിര്‍മ്മതാവായത്. ജോര്‍ജിന്റെ പേരില്‍ പണം മുടക്കിയത് ലണ്ടന്‍ വ്യവസായിയും ഇടനിലക്കാരനുമായ സുരേഷ് കൃഷ്ണയും.
പ്രതികരിക്കാൻ ഇവിടെ എഴുതുക: