തിരുവനന്തപുരം: സംസ്ഥാനത്ത് കഴിഞ്ഞ സാമ്പത്തിക വര്ഷം നടന്നത് റെക്കോര്ഡ് മദ്യ വില്പന. 19,088.68 കോടിയുടെ മദ്യ വില്പനയാണ് സംസ്ഥാനത്ത് നടന്നത്. മദ്യവില്പ്പനയിലെ നികുതി വഴി സര്ക്കാര് ഖജനാവില് എത്തിയത് 16,609.63 കോടി രൂപയാണ്. 2022- 23ല് മദ്യ വില്പന 18,510.98 കോടിയുടെതായിരുന്നു. നികുതി വഴി സര്ക്കാര് ഖജനാവില് എത്തിയത് 16,189.55 കോടി രൂപയായിരുന്നു.
2022-23ല് ഇത് 16,189.55 കോടി രൂപയായിരുന്ന സ്ഥാനത്താണ് 400 കോടിയില് അധികം നികുതി വരുമാനത്തില് വര്ധനവ് ഉണ്ടായിരിക്കുന്നത്. അതേസമയം, സംസ്ഥാനത്ത് വില്പന നടത്തുന്ന മദ്യങ്ങളില് 80 ശതമാനവും അന്യ സംസ്ഥാനങ്ങളില് നിന്ന് എത്തുന്നതാണ്. എന്നാല് ഇവിടെ ഉത്പാദിപ്പിക്കുന്നത് കേവലം 20 ശതമാനം മാത്രമാണെന്ന് കണക്കുകള് വ്യക്തമാക്കുന്നു.
ബിവറേജസ് കോര്പ്പറേഷന്റെ ഉടമസ്ഥതയിലുള്ള 277 റീട്ടേയ്ല് ഔട്ട്ലെറ്റുകള് വഴിയാണ് സംസ്ഥാനത്തെ മദ്യവില്പന നടക്കുന്നത്. ഇതിന് പുറമെ കണ്സ്യൂമര് ഫെഡിന് കീഴില് 39 ഔട്ട്ലെറ്റുകളും കേരളത്തില് പ്രവര്ത്തിക്കുന്നുണ്ട്. സംസ്ഥാനത്ത 3.34 കോടി ജനങ്ങളില് 29.8 ലക്ഷം പുരുഷന്മാരും 3.1 ലക്ഷം സ്ത്രീകളും മദ്യം ഉപയോഗിക്കുന്നതായാണ് ചില കണക്കുകള് വ്യക്തമാക്കുന്നത്.
ഇതില് തന്നെ പ്രതിദിനം അഞ്ച് ലക്ഷത്തോളം ആളുകള് മദ്യം ഉപയോഗിക്കുന്നതായാണ് റിപ്പോര്ട്ടുകള് വ്യക്തമാക്കുന്നത്.
