ചങ്ങനാശ്ശേരിയിൽ വീടുകൾ കുത്തിത്തുറന്ന് മോഷണം; അന്വേഷണം ഊർജ്ജിതം

കോട്ടയം: ചങ്ങനാശ്ശേരിയിൽ വീടുകൾ കുത്തിത്തുറന്ന് കവർച്ച. പാറേൽ പള്ളിക്ക് സമീപമുള്ള രണ്ട് വീടുകളിലാണ് കവർച്ച നടന്നത്. ഒരിടത്ത് നിന്നും രണ്ടര ലക്ഷം രൂപയും ഒന്നരപവൻ സ്വർണവുമാണ് നഷ്ടമായത്. മറ്റൊരു വീട്ടിൽ നിന്നും 900 രൂപയും കവർന്നിട്ടുണ്ട്.

ചൊവ്വാഴ്ച പുലർച്ചെ ഒന്നിനും നാലിനും ഇടയിലാണ് കവർച്ച നടന്നത്. സിസിടിവി ദൃശ്യങ്ങളിൽ നിന്നും തമിഴ്‌നാട് സ്വദേശിയെന്ന് തോന്നിക്കുന്ന യുവാവിന്റെ ദൃശ്യങ്ങൾ ലഭ്യമായിട്ടുണ്ട്. സംഭവത്തിൽ കേസെടുത്ത് പൊലീസ് അന്വേഷണം ആരംഭിച്ചു.