ആലുവ: പ്രമുഖ ആദ്ധ്യാത്മിക ആചാര്യനും, തന്ത്ര വിദ്യാപീഠം സ്ഥാപകനുമായ മാധവ്ജിയുടെ സ്മരണാര്ത്ഥം നല്കുന്ന മാധവീയം പുരസ്കാരം എന്.എം.കദംബന് നമ്പൂതിരിപ്പാടിന് സമര്പ്പിക്കും.
മലപ്പുറം വണ്ടൂര് സ്വദേശിയായ കദംബന് നമ്പൂതിരിപ്പാട് കേരളാ ക്ഷേത്ര സംരക്ഷണ സമിതി സംസ്ഥാന ജനറല് സെക്രട്ടറി, സംസ്ഥാന പ്രസിഡന്റ് എന്നീ നിലകളില് കഴിഞ്ഞ അഞ്ചു ദശാബ്ദത്തിലധികമായി വിവിധ ഹൈന്ദവ പ്രസ്ഥാനങ്ങളുമായി ബന്ധപ്പെട്ട് പ്രവര്ത്തിച്ചു വരുന്നു.
സനാതന ധര്മ്മ പ്രചരണത്തിനും വിശിഷ്യ ക്ഷേത്രസംരക്ഷണ രംഗത്തും നല്കി വരുന്ന മികച്ച സംഭാവനകള് പരിഗണിച്ചാണ് പുരസ്കാരം നല്കുന്നത്. മാധവ്ജിയുടെ 98-ാമത് ജയന്തിദിനമായ 28 ന് ചേരുന്ന അനുസ്മരണ സമ്മേളനത്തില് പുരസ്കാരം സമര്പ്പിക്കും.
പ്രൊഫ. പി.എം ഗോപി, സുബ്രഹ്മണ്യ ശര്മ്മ, മുല്ലപ്പള്ളി കൃഷ്ണന് നമ്പൂതിരി, ടി.എം.എസ് പ്രമോദ്, കെ.ഗോപാലകൃഷ്ണന് കുഞ്ഞി, പഴങ്ങാപ്പറമ്പ് ഉണ്ണിക്കൃഷ്ണന് നമ്പൂതിരി, കെ.പി.ജയകൃഷ്ണന് എന്നിവരടങ്ങിയ സമിതിയാണ് പുരസ്കാര ജേതാവിനെ തെരഞ്ഞെടുത്തത്.
