കൊല്‍ക്കത്ത: ലോക്‌സഭാ തെരഞ്ഞെടുപ്പിന്റെ നാലാംഘട്ട വോട്ടെടുപ്പ് ഇന്നു നടക്കാനിരിക്കെ തൃണമൂല്‍ കോണ്‍ഗ്രസ് സ്ഥാനാര്‍ത്ഥിയുടെ ഭാര്യ ബിജെപിയില്‍ ചേര്‍ന്നു. ബംഗാളിലെ റാണാഘട്ട് മണ്ഡലത്തിലെ തൃണമൂല്‍ കോണ്‍ഗ്രസ് സ്ഥാനാര്‍ത്ഥി മുകുത് മാണി അധികാരിയുടെ ഭാര്യ സ്വാസ്തിക മഹേശ്വരിയാണ് ബിജെപിയില്‍ ചേര്‍ന്നത്.
ബിജെപി നേതാവും നടനുമായ മിഥുന്‍ ചക്രവര്‍ത്തിയുടെ സാന്നിധ്യത്തില്‍ റാണാഘട്ടില്‍ നടന്ന തെരഞ്ഞെടുപ്പ് റാലിയിലാണ് സ്വാസ്തിക പാര്‍ട്ടി അംഗത്വമെടുത്തത്.
മുകുത് മാണി അധികാരിക്ക് വോട്ട് നല്കുന്നവര്‍ എന്നെപ്പോലെ വഞ്ചിക്കപ്പെടുമെന്ന് സ്വാസ്തിക പറഞ്ഞു. വിവാഹം കഴിഞ്ഞ് ദിവസങ്ങള്‍ക്കുള്ളില്‍ മുകുത് അധികാരിയില്‍ നിന്ന് അതിക്രമം നേരിടേണ്ടിവന്നുവെന്ന് സ്വാസ്തിക പറഞ്ഞു.
2021ലെ നിയമസഭാ തെരഞ്ഞെടുപ്പില്‍ റാണാഘട്ട്- ദക്ഷിണില്‍നിന്ന് വിജയിച്ച ബിജെപി സ്ഥാനാര്‍ത്ഥിയായിരുന്നു മുകുത് മണി അധികാരി. ബിജെപി എംഎല്‍എ ആയിരിക്കെയാണ് തൃണമൂല്‍ കോണ്‍ഗ്രസ് മുകുതിനെ സ്ഥാനാനാര്‍ത്ഥിയായി പ്രഖ്യപിച്ചത്.
കഴിഞ്ഞ മാസമാണ് നിയമസഭാ അംഗത്വം ഉപേക്ഷിച്ച് മുകുത് തൃണമൂലില്‍ ചേര്‍ന്നത്.
പ്രതികരിക്കാൻ ഇവിടെ എഴുതുക: