കോഴിക്കോട് : കോടഞ്ചേരിയില്‍ സ്വകാര്യ ആശുപത്രിയില്‍ ചികിത്സയ്‌ക്കെത്തിയ രോഗി ഡോക്ടര്‍ക്ക് നേരെ നടന്ന കയ്യേറ്റം നടത്തിയ സംഭവത്തില്‍ കേസെടുത്ത് പൊലീസ്. കോടഞ്ചേരി സ്വദേശി രഞ്ചുവിന് എതിരെയാണ് കേസ്.
ഡോക്ടറുടെ ഡ്യൂട്ടി തടസപ്പെടുത്തിയെന്നാണ് എഫ്ഐആറിലുളളത്.
സ്വകാര്യ ആശുപത്രിയിലെ ഡോ. സുസ്മിതിനെയാണ് രഞ്ചു കയ്യേറ്റം ചെയ്തത്. വാഹനാപകടത്തെ തുടര്‍ന്ന് കഴിഞ്ഞ രാത്രി ചികിത്സ തേടിയെത്തിയതാണ് ഇയാള്‍. പ്രാഥമിക ചികിത്സ നല്‍കിയ ശേഷം യുവാവിനെ മടക്കി അയച്ചെങ്കിലും മതിയായ ചികിത്സ നല്‍കിയില്ലെന്ന് ആരോപിച്ച് ഡ്യൂട്ടിയില്‍ ഉണ്ടായിരുന്ന വനിതാ ഡോക്ടര്‍ക്ക് നേരെ യുവാവ് അശ്ലീല വാക്കുകള്‍ ഉപയോഗിച്ചു. ഈ ദൃശ്യങ്ങള്‍ പകര്‍ത്തിയ ഡോ. സുസ്മിതിനെ കയ്യേറ്റം ചെയ്യാന്‍ ശ്രമിച്ചു. ഡോക്ടറുടെ ഫോണ്‍ നിലത്തെറിഞ്ഞു കേടാക്കി.
പരിക്കേറ്റ ഡോ. സുസ്മിത് ചികിത്സ തേടിയ ശേഷം കോടഞ്ചേരി പൊലീസില്‍ യുവാവിനെതിരെ പരാതി നല്‍കി. മദ്യ ലഹരിയില്‍ ആയിരുന്നു രഞ്ചു എന്നാണ് സൂചന.
പ്രതികരിക്കാൻ ഇവിടെ എഴുതുക: