ബ്രസീലിയ: കോപ്പ അമേരിക്ക ഫുട്‌ബോളിനുള്ള ബ്രസീല്‍ ടീമിനെ പ്രഖ്യാപിച്ചു. പരിചയ സമ്പന്നരായ നെയ്മര്‍ ജുനിയറും കസെമിറോയും അടക്കമുള്ളവരെ ഒഴിവാക്കിയാണ് പുതിയ ടീം.
ക്ലബ്ബ് ഫു്ടബോളില്‍ സ്പാനിഷ് ടീം റയല്‍ മാഡ്രിഡിനായി കഴിഞ്ഞ രണ്ട് സീസണുകളില്‍ മികച്ച പ്രകടനം കാഴ്‌ച്ചവച്ചുവരുന്ന വനിഷ്യസ് ജൂനിയറിനെ പ്രധാന താരമാക്കിയാണ് ടീമിനെ ഒരുക്കിയിരിക്കുന്നത്.
പരിചയ സമ്പന്നനായ ഗോളി അലിസന്‍ ബെക്കറിനെ ഉള്‍പ്പെടുത്തിയിട്ടുണ്ട്. എന്‍ഡ്രിക്, ഇവാനില്‍സണ്‍, ഗബ്രിയേല്‍ മാര്‍ട്ടിനെല്ലി, റഫീഞ്ഞ, റോഡ്രിഗോ, സാവിഞ്ഞോ എന്നിവരാണ് മുന്നേറ്റ താരങ്ങള്‍. മധ്യനിരയില്‍ ആന്ദ്രിയാസ് പെരെയ്‌റ, ബ്രൂണോ ഗ്വിമിറെസ്, ഡഗ്ലസ് ലൂയിസ്, ജുവാവോ ഗോമസ്, ലുക്കാസ് പക്വേറ്റ എന്നിവര്‍ ഉള്‍പ്പെടുന്നു. ബെരാള്‍ഡോ, എഡെര്‍ മിലിറ്റാവോ, ഗബ്രിയേല്‍ മഗാള്‍ഹീസ്, മാര്‍ക്വിഞ്ഞോസ്, ഡാനിലോ, യാന്‍ കൂട്ടോ, ഗ്വിലെര്‍മെ അരാനാ, വെന്‍െല്‍ എന്നിവരടങ്ങുന്നതാണ് പ്രതിരോധ നിര. ഗോള്‍ കീപ്പര്‍മാരില്‍ അല്ലീസനെ കൂടാതെ ബെന്റോ എഡേഴ്‌സണ്‍ എന്നിവരും ഉണ്ട്. മാസങ്ങള്‍ക്ക് മുമ്പ് ചുമതലയേറ്റെടുത്ത ഡൊറിവല്‍ ജൂനിയര്‍ ആണ് ടീം പരിശീലകന്‍.
പ്രതികരിക്കാൻ ഇവിടെ എഴുതുക: