ഇന്ഡോര്: ജൂനിയര് ദേശീയ ബാസ്ക്കറ്റ്ബോള് ചാമ്പ്യന്ഷിപ്പിന്റെ രണ്ടാം ദിവസം കേരളത്തിന്റെ ആണ് ടീം നിലവിലെ ചാമ്പ്യന്മാരായ ഉത്തര് പ്രദേശിനെ തോല്പ്പിച്ചു(92-88). ആവേശകരമായ മത്സരത്തില് ആദ്യ പകുതിയില് പിന്നില് നിന്ന ശേഷമായിരുന്നു കേരളത്തിന്റെ വിജയം.
മധ്യപ്രദേശിലെ ഇന്ഡോറിലെ എമറാള്ഡ് ഹൈറ്റ്സ് ഇന്റര്നാഷണല് സ്കൂളില് നടക്കുന്ന 74-ാമത് ജൂനിയര് ദേശീയ ബാസ്ക്കറ്റ്ബോള് ചാമ്പ്യന്ഷിപ്പിലെ വനിതാ വിഭാഗം മത്സരത്തില് കേരളം പരാജയപ്പെട്ടു. രാജസ്ഥാനോടു 63-80 സ്കോറിനാണ് പരാജയപ്പെട്ടത്.
ആണ് മത്സരത്തില് വിനയ് ശങ്കര് 28 പോയിന്റുമായി കേരളത്തിന് വേണ്ടി ടോപ് സ്കോറര് ആയി. ലെവല് 2 മത്സരങ്ങളില് കര്ണാടക ഹിമാചല് പ്രദേശിനെയും (87-55) മഹാരാഷ്ട്ര ജമ്മു കശ്മീരിനെയും (64-17) ഹരിയാന പശ്ചിമ ബംഗാളിനെയും (85-42) ഗുജറാത്ത് ജാര്ഖണ്ഡിനെയും (63-48) തോല്പിച്ചു.
വനിതകളില് ചണ്ഡീഗഡ് ബിഹാറിനെ തോല്പ്പിച്ചു (69-25), തെലങ്കാന ഉത്തരാഖണ്ഡിനെ (69-43) ആന്ധ്രാപ്രദേശ് പോണ്ടിച്ചേരിയെ തോല്പ്പിച്ചു (72-36).
