തിരുവനന്തപുരം: ബിജെപി ജില്ലാ വൈസ് പ്രസിഡന്റും നെടുങ്കാട് വാര്‍ഡ് കൗണ്‍സിലറുമായ കരമന അജിത്തിന്റെ വീടാക്രമിച്ച സംഭവത്തില്‍ പ്രതികളെ ഉടന്‍ പിടി കൂടണമെന്ന് ബിജെപി ജില്ലാ അധ്യക്ഷന്‍ വി.വി.രാജേഷ് ആവശ്യപ്പെട്ടു.
മനഃപ്പൂര്‍വം സംഘര്‍ഷം സൃഷ്ടിച്ച് സമാധാനാന്തരീക്ഷം തകര്‍ക്കാനുള്ള സാമൂഹ്യവിരുദ്ധ ശക്തികളുടെ നീക്കം പോലീസ് കര്‍ശനമായി തടയണമെന്നും രാജേഷ് സിറ്റി പോലീസ് കമ്മീഷണര്‍ക്കു നല്‍കിയ പരാതിയില്‍ പറയുന്നു. വീടിന് നേരെ ട്യൂബ് ലൈറ്റുകള്‍ എറിഞ്ഞ് ഭീകരാന്തരീക്ഷം സൃഷിടിച്ചാണ് ആക്രമണം നടത്തിയത്. യാതൊരു പ്രകോപനവും ഇല്ലാതെയായിരുന്നു വീടാക്രണം.
ഇതു സംബന്ധിച്ച് കരമന അജിത്തും പോലീസിന് പരാതി നല്‍കിയിട്ടുണ്ട്. പാര്‍ട്ടിയുടെ തിരുവനന്തപുരത്തെ മുതിര്‍ന്ന നേതാവും കൗണ്‍സിലറുമായ അജിത്തിന്റെ വീടിനു നേരെയുണ്ടായ ആക്രമണം വളരെ ഗൗരവത്തോടെയാണ് ബിജെപി കാണുന്നത്. പ്രതികളെ ഉടന്‍ അറസ്റ്റ് ചെയ്യണമെന്നും മേലില്‍ ഇത്തരം സംഭവങ്ങള്‍ ആവര്‍ത്തിക്കാതിരിക്കാനുള്ള നടപടികള്‍ സ്വീകരിക്കണമെന്നും വി.വി രാജേഷ് ആവശ്യപ്പെട്ടു.
പ്രതികരിക്കാൻ ഇവിടെ എഴുതുക: