തിരുവല്ല: നഗരത്തില്‍ പട്ടാപ്പകല്‍ സ്‌കൂട്ടര്‍ യാത്രക്കാരിക്കു നേരെ ആക്രമണം. സംഭവത്തില്‍ തിരുവല്ല സ്വദേശി ജോജോ അറസ്റ്റിലായി. സഹോദരിയെ റെയില്‍വേ സ്റ്റേഷനിലാക്കി മടങ്ങിവരുന്ന സമയത്തായിരുന്നു അപ്രതീക്ഷിത ആക്രമണമെന്ന് യുവതി പറഞ്ഞു.
തടഞ്ഞുനിര്‍ത്തി സ്‌കൂട്ടറിന്റെ താക്കോല്‍ ബലമായി ഊരി എടുത്തു. തടയാന്‍ ശ്രമിച്ചപ്പോള്‍ കൈപിടിച്ചു തിരിച്ചു. താക്കോല്‍ പിടിച്ചു വാങ്ങാന്‍ ശ്രമിക്കുന്നതിനിടെ കൈക്ക് മുറിവ് പറ്റിയെന്നും രക്തം വന്നതിനെ തുടര്‍ന്ന് തലകറങ്ങിയെന്നും ഇരുപത്തിയഞ്ചുകാരിയായ യുവതി പറഞ്ഞു.
യുവതിയുടെ ആരോഗ്യനില തൃപ്തികരമാണെന്ന് പോലീസ് അറിയിച്ചു. പ്രതി ജോജോയെ പോലീസ് വൈദ്യപരിശോധനയ്‌ക്കായി ഹാജരാക്കിയപ്പോള്‍ യുവതിയുടെ ബന്ധുക്കള്‍ ആശുപത്രിയിലെത്തി ജോജോയെ പോലീസ് വാഹനത്തിനുള്ളില്‍ വച്ച് കൈയേറ്റത്തിനു ശ്രമിച്ചു. ഏറെ പണിപ്പെട്ടാണ് പോലീസ് ഇയാളെ തിരികെ സ്റ്റേഷനില്‍ എത്തിച്ചത്.
ജോജോക്കെതിരെ ഗുരുതര വകുപ്പുകള്‍ ചുമത്തുമെന്ന് പോലീസ് അറിയിച്ചു. സ്റ്റേഷനിലെത്തി പോലീസിനെ ഉള്‍പ്പെടെ അസഭ്യം പറഞ്ഞ് ശേഷമാണ് ഇയാള്‍ തിരുവല്ല നഗരത്തിലേക്ക് എത്തുന്നത്. പോലീസ് ഇയാളുടെ ബൈക്ക് പിടിച്ചുവെച്ച ശേഷം സ്റ്റേഷനില്‍ നിന്ന് പറഞ്ഞുവിട്ടു. തുടര്‍ന്നാണ് ഇയാള്‍ സ്‌കൂട്ടറിലെത്തിയ യുവതിയെ ആക്രമിച്ചത്.
പ്രതികരിക്കാൻ ഇവിടെ എഴുതുക: