ഗാന്ധിനഗര്‍: വീട്ടിലേക്ക് പാഴ്‌സലായെത്തിയ സമ്മാനപ്പൊതിയില്‍ ഒളിപ്പിച്ച ബോംബ് പൊട്ടിത്തെറിച്ച് അച്ഛനു മകള്‍ക്കും ദാരുണാന്ത്യം. ഗുജറാത്തിലെ വഡാലിയിലാണ് സംഭവം. 32കാരനായ ജീതുഭായ് വഞ്ചാര, 12 വയസുള്ള മകള്‍ ഭൂമിക എന്നിവരാണ് കൊല്ലപ്പെട്ടത്. എന്നാല്‍ സ്‌ഫോടനം നടക്കുന്ന സമയത്ത് ഭാര്യ വീട്ടിലില്ലതിരുന്നതിനാല്‍ കൂടുതല്‍ അപകടം ഒഴിവായി.
ഒമ്പതും പത്തും വയസുള്ള മറ്റ് രണ്ട് മക്കള്‍ക്കും പരിക്കേറ്റിട്ടുണ്ട്. ഇവരിലൊരാള്‍ ആശുപത്രിയില്‍ വെന്റിലേറ്ററിലാണ്. ജീതുഭായിയുടെ ഭാര്യയുടെ മുന്‍ കാമുകനാണ് സ്‌ഫോടനത്തിന് പിന്നിലെന്നാണ് പോലീസിന്റെ നിഗമനം. 31കാരനായ പ്രതി ജയന്തിഭായിയെ അന്വേഷണ സംഘം അറസ്റ്റ് ചെയ്തു.
പ്രണയിനി ആയിരുന്ന വ്യക്തി സ്വസ്ഥമായി ജീവിക്കുന്നതില്‍ വൈരാഗ്യം തോന്നിയ യുവാവ് അവരുടെ കുടുംബം ഇല്ലാതാക്കാനാണ് ബോംബ് പാര്‍സല്‍ അയച്ചത്. ഓട്ടോറിക്ഷയിലാണ് പാഴ്‌സല്‍ വീട്ടിലെത്തിയത്. ഇത് കുടുംബത്തിന് കൈമാറിയ ഓട്ടോ ഡ്രൈവറെ സിസിടിവി ദൃശ്യങ്ങളുടെ സഹായത്താല്‍ പോലീസ് കണ്ടെത്തി. തുടര്‍ന്ന് ഡ്രൈവര്‍ നല്‍കിയ മൊഴിയുടെ അടിസ്ഥാനത്തിലാണ് പ്രതിയിലേക്കെത്തിയത്. ടേപ്‌റെക്കോര്‍ഡറുടെ രൂപത്തിലുള്ള വസ്തുവാണ് പാഴ്‌സലായി വീട്ടിലെത്തിയതെന്ന് പോലീസ് അറിയിച്ചു.
പ്രതികരിക്കാൻ ഇവിടെ എഴുതുക: