കൊല്ക്കത്ത : മലയാളി താരം മുഹമ്മദ് ജാസിം മൊഹമ്മദന്സില് തുടരും. ക്ലബുമായുളള കരാര് താരം പുതുക്കി. ഇന്ത്യന് സൂപ്പര് ലീഗിലേക്ക് കയറിയ മൊഹമ്മദന്സില് തുടരാന് മുഹമ്മദ് ജാസിം തീരുമാനിക്കുക ആയിരുന്നു.
രണ്ടു വര്ഷത്തെ കരാറാണ് ജാസിം മൊഹമ്മദന്സില് ഒപ്പുവച്ചത്. കഴിഞ്ഞ സീസണില് ഐ ലീഗ് കിരീടം നേടിയപ്പോള് മൊഹമ്മദന്സിനായി മികച്ച പ്രകടനം കാഴ്ചവച്ചിരുന്നു ജാസിം.
മുമ്പ് ഗോകുലം കേരള ഐ ലീഗ് കിരീടം നേടിയപ്പോള് ജാസിം ടീമിലുണ്ടായിരുന്നു. കഴിഞ്ഞ സീസണ് തുടക്കത്തിലാണ് മൊഹമ്മദന്സില് എത്തിയത്. അവിടെയും കിരീട നേട്ടം ആവര്ത്തിച്ചു.
ഡിഫന്സിലും ഡിഫന്സിലും മധ്യനിരയിലും പല പൊസിഷനില് കളിക്കാന് കഴിയുന്ന താരമാണ് ജാസിം.മലപ്പുറം വളാഞ്ചേരി സ്വദേശിയാണ്. ഗോവന് ക്ലബ്ബ് വാസ്കോ ആണ് ജാസിമിന്റെ ആദ്യ പ്രൊഫഷണല് ക്ലബ്. 2018ല് ഗോകുലം റിസര്വ് ടീമില് എത്തി. 2021ലും 2022ലും ഐ ലീഗ് കിരീടം നേടിയ ഗോകുലം ടീമിലുണ്ടായിരുന്നു.
